Túrkistan oblysyndaǵy «Arys» poligonynda «Ońtústik» óńirlik qolbasshylyǵynyń quramyna kiretin aýmaqtyq qorǵanys brigadasynyń áskeri mindettilerimen on kúndik jiynnyń qorytyndysy boiynsha «Arys-2025» taktikalyq oqý-jattyǵý jiynynyń qorytyndy kezeńi ótti,– dep habarlaidy Dalanews.kz
Taktikalyq oqý-jattyǵý jaýyngerlik daiyndyq josparyna sáikes ótkizildi jáne áskeri mindettiler quramnyń jaýyngerlik ázirligin tekserýge, praktikalyq daǵdylardy jetildirýge, sondai-aq taktikalyq mindetterdi oryndaý barysynda ózara is-qimyl deńgeiin arttyrýǵa baǵyttaldy.
Jiyn bólimshelerdi dabyl boiynsha kóterýden bastaldy. Shartty aimaqta áskeri mindettilerdi qabyldaý uiymdastyryldy. Áskeri mindettilermen sabaqtar teoriialyq daiyndyqtan bastalady, sodan keiin jeke quram dalalyq oqytýdyń belsendi kezeńine ótti. Barlyq kezeńder «teoriiadan praktikaǵa» qaǵidasy boiynsha quryldy.
Brigada komandiri podpolkovnik Talǵat Májimbekovtyń basshylyǵymen komandalyq quram oqytýǵa ádistemelik tásildeme men uiymdastyrýdyń joǵary deńgeiin kórsetti. Áskeri mindettiler oq atýǵa daiyndyq jattyǵýlaryn, sonyń ishinde shtattyq qarýdan oqý jáne baqylaý atystaryn sátti oryndady.
Úilestirý kezeńinde jeke quram strategiialyq maqsattaǵy obektilerdi kúzetý jáne qorǵaý jónindegi is-qimyldardy pysyqtady, sondai-aq qalalyq ortaǵa jaqyn jaǵdailarda shartty jaýdyń shabýylyn toitarys berdi.
Jiynǵa Túrkistan oblysy ákiminiń birinshi orynbasary Zulpyhar Joldasov qatysyp, sapar barysynda ol daladaǵy turmysty uiymdastyrýmen tanysyp, oqý-jattyǵýlarǵa qatysýshylarmen áńgimelesip, olardyń daiyndyq deńgeiine joǵary baǵa berdi.
– Brigada basshylyǵy barlyq is-sharalardy joǵarǵy deńgeide uiymdastyrdy. Osynyń arqasynda praktikalyq is-qimyldardy pysyqtaý kezinde áskeri mindettiler jaqsy nátijeler kórsetti, - dep atap ótti Zulpyhar Joldasov.
Jiyn sońynda Qazaqstan Respýblikasy Bas prokýratýrasynyń Aktivterdi qaitarý Komitetiniń tóraǵasy Nurdáýlet Súiindikov suhbat berip, atalǵan sharanyń mańyzdylyna toqtaldy.
Podpolkovnik Talǵat Májimbekovtiń aitýynsha, mundai jiyndar jaýyngerlik daǵdylardy tekserý ǵana emes, sonymen qatar árbir áskeri mindettilerge onyń basty azamattyq mindeti — Otan qorǵaýshy bolý týraly eske salý.
