Qaraǵandylyqtar qaladaǵy shuryq-tesik joldarǵa qatysty shaǵymyn jetkizdi, dep habarlaidy dalanews.kz.
Áleýmettik jelide kezekti video taralyp, onda kóliktiń úlken shuńqyrǵa túsip zaqymdanǵany kórsetilgen.
Qala turǵyndarynyń aitýynsha, másele kóktem bastalǵaly beri ózekti bolyp tur. Olardyń sózinshe, shuńqyrlar tipti qalanyń ortalyq kóshelerinde de paida bolǵan. Budan bólek, jaqynda ǵana jóndelgen joldardyń sapasyna qatysty syn kóbeigen. Turǵyndar kei ýchaskelerdiń qaitadan buzyla bastaǵanyn aitady.
Osy jaǵdaiǵa bailanysty video astynda Qaraǵandy qalasynyń turǵyn úi-kommýnaldyq sharýashylyǵy jáne avtomobil joldary bólimi pikir qaldyrǵan. Vedomstvo málimetinshe, merdiger uiymǵa anyqtalǵan kemshilikterdi shuǵyl joiý týraly nusqama berilgen.
"Anyqtalǵan aqaýlardy joiý jumystary biylǵy 25 mamyrǵa deiin aiaqtalady", – delingen habarlamada.
