Áleýmettik jelide Astanadaǵy LRT stantsiialarynyń birinde tóbeden sý tamshylap turǵan video tarady, dep habarlaidy dalanews.kz.
Kadrlar jeli qoldanýshylary arasynda qyzý talqylanyp, kópshilik jańa iske qosylǵan jelige qatysty suraqtar qoia bastady.
Alaida City Transportation Systems jaǵdaiǵa túsinikteme berip, bul aqaý emes ekenin málimdedi.
«LRT stantsiialarynyń jekelegen ýchaskelerinde órtke qarsy júielerdi iske qosý jáne baptaý jumystary júrgizilip jatyr. Tekserý barysynda mamandar jabdyqtardyń durys jumys isteýin qamtamasyz etý úshin kezeń-kezeńimen retteý jumystaryn atqarady», – dep habarlady kompaniia.
Mekeme málimetinshe, qazirgi ýaqytta órt kezinde tútindi shyǵaratyn shatyr liýkteriniń germetikalyǵy qalpyna keltirilip, qaita retteý jumystary júrgizilýde.
Osylaisha, CTS ókilderi áleýmettik jelide taraǵan videodaǵy jaǵdai LRT jelisindegi aqaýmen emes, tehnikalyq iske qosý jumystary aiasynda bolǵanyn aitty.
