Forýmǵa arnaiy shaqyrtýmen Amerika Qurama Shtaty, Ózbekstan, Qyrǵyzstan, Tájikistan Respýblikalarynan kelgen qonaqtar men QR AQDM (Aqparat jáne qoǵamdyq damý ministirligi) azamattyq qoǵam isteri komitetiniń ókili, «Qazaqstannyń Azamattyq Aliansy» zańdy tulǵalar birlestiginiń Prezidenti qatysty.
Forýmnyń basty maqsaty – aýyldyq jerlerdegi úkimettik emes uiymdardyń bastamalaryn qoldaý, olardy jan-jaqty damytý, saýattylyǵyn arttyrý. Azamattyq qoǵammen birge úkimettik emes uiymdardyń belsendiligin kóterý.
Forýmǵa spiker retinde Amerika Qurama Shtaty, Vashingtonnan – Mýborak Tashpýlatova, Ózbekstan Respýblikasynan – Damira Tohtasynovna, Qyrǵyzstan Respýblikasynan – Nurgúl Janaeva, Tájikistan Respýblikasynan – Nýriddin Karshiboev qatyssa, forýmnyń negizgi spikeri retinde «Qazaqstannyń Azamattyq Aliansy» zańdy tulǵalar birlestiginiń Prezidenti – Baný Nurǵazieva, Túrkistan oblysynyń «Qurmetti azamaty» Sháripbek Jamalbek, «Bereke» Qoǵamdyq birlestiginiń tóraiymy – Roza Abdýllaeva sóz sóiledi.
– Sizderdiń el igiligi jolyndaǵy bastamalaryńyzǵa Memleket tarapynan laiyqty qoldaý kórsetilip keledi. Aldaǵy ýaqytta «Jańa Qazaqstannyń» damý jolyna bet túzegen elimizdiń jarqyn bolashaǵy úshin aianbai eńbek etetinderińizge kámil senemin, – degen basqarma basshysy, aýyldyq jerlerdegi úkimettik emes uiymdardyń bastamalaryn qoldaýǵa oblys ákimdigi tarapynan qoldaýǵa daiyn ekenin jetkizdi.
Búginde álemniń kóptegen eliniń saiasatynda úkimettik emes uiymdardyń róli erekshe sipatqa ie. Óitkeni memlekettik basqarý júiesine qoǵamdyq qaýymdastyqty aralastyrmai túitkildi máselelerdi sheshý múmkin emes. Sarapshylardyń baǵalaýynsha, Qazaqstandaǵy úshinshi sektor álemdik trendter baǵytynda damyp keledi. Iaǵni elimizdegi úshinshi sektordy qoldaý memleket tarapynan da, birqatar iri kompaniianyń qaiyrymdylyq maqsattaǵy ÚEU arqyly da júzege asýda.
