Túrkistan oblysynyń ákimi Nuralhan Kósherov «Agromashholding» AQ-nyń prezidenti Dinara Shúkijanovany qabyldady. Kezdesýde qos tarap Túrkistan oblysynda investitsiialyq jobalardy júzege asyrý máselesin talqylady. Naqtyraq aitsaq, Túrkistanda aýyl shaýrashylyǵy tehnikasyn shyǵaratyn zaýyt ashý jóninde kelissóz júrgizdi,- dep habarlaidy Dalanews.kz
Óńir basshysy aimaqta óndiristi damytýǵa, jańa jobalardy júzege asyrýǵa qolaily jaǵdai jasalǵanyn jetkizdi.
– Túrkistan oblysy – agrarly aimaq. Aýyl sharýashylyǵy tehnikalaryna suranys óte joǵary. Sondyqtan arnaiy zaýyt pen servistik ortalyqty óńirimizden ashý tiimdi bolady. Arnaiy ǵimarat, jer jáne infraqurylym boiynsha tolyq qoldaý kórsetiledi. Birlese jumys isteýge daiynbyz, – dedi Nuralhan Kósherov.
«Agromashholding» AQ-nyń prezidenti Dinara Shúkijanova áriptestik ornatýǵa qolaily jaǵdai usynǵan oblys basshylyǵyna alǵysyn aitty. Túrkistannyń áleýeti joǵary ekenine toqtaldy. Oblys aýmaǵyndaǵy óndiristik parkke arnaiy baryp, ǵimaratty kóretinin aitty. Sonymen birge mamandar kelip, jan-jaqty zerdeleitinin jetkizdi. Aýyl sharýashylyǵy tehnikalaryn óndirýde AQSh pen Qytaidyń da úlgileri qoldanylmaq. Kelissózder jalǵasyp, jaqynda tiisti sheshim qabyldanady.
Aita keteiik, Memleket basshysy «Aýyl sharýashylyǵy eńbekkerleriniń» birinshi forýmynda aýyl sharýashylyǵy tehnikalaryn jańartý deńgeiin jylyna 8-10 paiyzǵa deiin jetkizý mindetin júktedi. Oblys kóleminde 11 myńnan astam aýyl sharýashylyǵy tehnikasy bar. Onyń 3 myńy eskirip, paidalaný merzimi 20 jyldan asqan. Osy máseleni sheshý maqsatynda aldaǵy 5 jylda aýyl sharýashylyǵy tehnikalary parkin 35 paiyzǵa jańartý josparlanǵan. Bul rette arnaiy zaýyt ashý jospary da qarastyrylyp otyr.
