تٷركٸستان وبلىسىنىڭ ەكٸمٸ نۇرالحان كٶشەروۆ «اگروماشحولدينگ» اق-نىڭ پرەزيدەنتٸ دينارا شٷكٸجانوۆانى قابىلدادى. كەزدەسۋدە قوس تاراپ تٷركٸستان وبلىسىندا ينۆەستيتسييالىق جوبالاردى جٷزەگە اسىرۋ مەسەلەسٸن تالقىلادى. ناقتىراق ايتساق, تٷركٸستاندا اۋىل شاۋراشىلىعى تەحنيكاسىن شىعاراتىن زاۋىت اشۋ جٶنٸندە كەلٸسسٶز جٷرگٸزدٸ,- دەپ حابارلايدى Dalanews.kz
ٶڭٸر باسشىسى ايماقتا ٶندٸرٸستٸ دامىتۋعا, جاڭا جوبالاردى جٷزەگە اسىرۋعا قولايلى جاعداي جاسالعانىن جەتكٸزدٸ.
– تٷركٸستان وبلىسى – اگرارلى ايماق. اۋىل شارۋاشىلىعى تەحنيكالارىنا سۇرانىس ٶتە جوعارى. سوندىقتان ارنايى زاۋىت پەن سەرۆيستٸك ورتالىقتى ٶڭٸرٸمٸزدەن اشۋ تيٸمدٸ بولادى. ارنايى عيمارات, جەر جەنە ينفراقۇرىلىم بويىنشا تولىق قولداۋ كٶرسەتٸلەدٸ. بٸرلەسە جۇمىس ٸستەۋگە دايىنبىز, – دەدٸ نۇرالحان كٶشەروۆ.
«اگروماشحولدينگ» اق-نىڭ پرەزيدەنتٸ دينارا شٷكٸجانوۆا ەرٸپتەستٸك ورناتۋعا قولايلى جاعداي ۇسىنعان وبلىس باسشىلىعىنا العىسىن ايتتى. تٷركٸستاننىڭ ەلەۋەتٸ جوعارى ەكەنٸنە توقتالدى. وبلىس اۋماعىنداعى ٶندٸرٸستٸك پارككە ارنايى بارىپ, عيماراتتى كٶرەتٸنٸن ايتتى. سونىمەن بٸرگە ماماندار كەلٸپ, جان-جاقتى زەردەلەيتٸنٸن جەتكٸزدٸ. اۋىل شارۋاشىلىعى تەحنيكالارىن ٶندٸرۋدە اقش پەن قىتايدىڭ دا ٷلگٸلەرٸ قولدانىلماق. كەلٸسسٶزدەر جالعاسىپ, جاقىندا تيٸستٸ شەشٸم قابىلدانادى.
ايتا كەتەيٸك, مەملەكەت باسشىسى «اۋىل شارۋاشىلىعى ەڭبەككەرلەرٸنٸڭ» بٸرٸنشٸ فورۋمىندا اۋىل شارۋاشىلىعى تەحنيكالارىن جاڭارتۋ دەڭگەيٸن جىلىنا 8-10 پايىزعا دەيٸن جەتكٸزۋ مٸندەتٸن جٷكتەدٸ. وبلىس كٶلەمٸندە 11 مىڭنان استام اۋىل شارۋاشىلىعى تەحنيكاسى بار. ونىڭ 3 مىڭى ەسكٸرٸپ, پايدالانۋ مەرزٸمٸ 20 جىلدان اسقان. وسى مەسەلەنٸ شەشۋ ماقساتىندا الداعى 5 جىلدا اۋىل شارۋاشىلىعى تەحنيكالارى پاركٸن 35 پايىزعا جاڭارتۋ جوسپارلانعان. بۇل رەتتە ارنايى زاۋىت اشۋ جوسپارى دا قاراستىرىلىپ وتىر.
