Jiynǵa Túrkistan oblysy Qorǵanys isteri jónindegi departamenti, Mádeniet jáne týrizm basqarmasy, Densaýlyq saqtaý, Qoǵamdyq damý basqarmasy, Jumyspen qamtýdy úilestirý jáne áleýmettik baǵdarlamalar basqarmasynyń basshylary men ókilderi jáne Túrkistan oblysy Aýǵan soǵysy ardagerleri men múgedekter keńesiniń tóraǵasy qatysty.
– «Keńes áskerleriniń Aýǵanstannan shyǵarylǵanyna 35 jyl» tósbelgisi Aýǵan soǵysynyń kózi tiri ardagerleriniń bárine tabystalýy tiis. Jyl boiy ataýly patriottyq baǵyttaǵy kezdesýler, is-sharalar uiymdastyrylady, – degen Túrkistan oblysy ákiminiń orynbasary Beisen Tájibaev búginde óńirde kózi tiri Aýǵan ardageri turyp jatqanyn naqty sanyn aiqyndaý kerektigin tapsyrdy.
Basqosýda Túrkistan oblysyn jumyspen qamtý jáne áleýmettik baǵdarlamalar basqarmasynyń basshysy Ásiia Temirbaeva Túrkistan oblysyndaǵy Aýǵan soǵysynyń ardagerlerine zań aiasynda áleýmettik qoldaý kórsetiletinin aitty.
15 aqpanda aýdan, qalalarda memorialdyq taqtalar men eskertkishteri aldynda arnaiy jiyndar ótkiziledi. Batyrlar rýhyna taǵzym etiledi.
Aita keteiik, atalǵan is-shara oblystyń barlyq aýdan, qalalarynda uiymdastyrylady.
