جيىنعا تۇركىستان وبلىسى قورعانىس ىستەرى جونىندەگى دەپارتامەنتى، مادەنيەت جانە تۋريزم باسقارماسى، دەنساۋلىق ساقتاۋ، قوعامدىق دامۋ باسقارماسى، جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىلارى مەن وكىلدەرى جانە تۇركىستان وبلىسى اۋعان سوعىسى ارداگەرلەرى مەن مۇگەدەكتەر كەڭەسىنىڭ ءتوراعاسى قاتىستى.
– «كەڭەس اسكەرلەرىنىڭ اۋعانستاننان شىعارىلعانىنا 35 جىل» توسبەلگىسى اۋعان سوعىسىنىڭ كوزى ءتىرى ارداگەرلەرىنىڭ بارىنە تابىستالۋى ءتيىس. جىل بويى اتاۋلى پاتريوتتىق باعىتتاعى كەزدەسۋلەر، ءىس-شارالار ۇيىمداستىرىلادى، – دەگەن تۇركىستان وبلىسى اكىمىنىڭ ورىنباسارى بەيسەن تاجىبايەۆ بۇگىندە وڭىردە كوزى ءتىرى اۋعان ارداگەرى تۇرىپ جاتقانىن ناقتى سانىن ايقىنداۋ كەرەكتىگىن تاپسىردى.
باسقوسۋدا تۇركىستان وبلىسىن جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىربايەۆا تۇركىستان وبلىسىنداعى اۋعان سوعىسىنىڭ ارداگەرلەرىنە زاڭ اياسىندا الەۋمەتتىك قولداۋ كورسەتىلەتىنىن ايتتى.
تۇركىستان وبلىستىق قوعامدىق دامۋ باسقارماسىنىڭ باسشىسى ەرلان كۇزەمبايەۆ جىل بويى وڭىردەگى ءبىلىم ۇيالارىندا، جوعارى وقۋ ورىندارىندا، جاستار ورتالىقتارىندا اۋعانستان جەرىندە قازا تاپقان بوزداقتاردى ەسكە الۋ، باتىرلاردى قۇرمەتتەۋ ارقىلى وتانشىلدىقتى دارىپتەيتىن ءتۇرلى فورماتتاعى كەزدەسۋلەر مەن ءىس-شارالار جوسپارلانعانىن جەتكىزدى.
15 اقپاندا اۋدان، قالالاردا مەموريالدىق تاقتالار مەن ەسكەرتكىشتەرى الدىندا ارنايى جيىندار وتكىزىلەدى. باتىرلار رۋحىنا تاعزىم ەتىلەدى.
ايتا كەتەيىك، اتالعان ءىس-شارا وبلىستىڭ بارلىق اۋدان، قالالارىندا ۇيىمداستىرىلادى.
