Qazaqstan halqy Assambleıasynyń 30 jyldyǵyna oraı «Tarıhı tanym» ekspedısıasy uıymdastyryldy. Syrly Sozaq pen kıeli Túrkistan qalasy arasyn jalǵaǵan shara túrli etnos jastarynyń qatysýymen ótti. Bul sapar - el tarıhyn tanýǵa, rýhanı murany nasıhattaýǵa jáne etnostardyń tatýlyǵyn dáripteýge baǵyttalǵan,- dep habarlaıdy Dalanews.kz
Ekspedısıa músheleri Túrkistan qalasyndaǵy «Dostyq úıinen» syrly Sozaqqa jolǵa shyqty. Delegasıa quramynda óńirdegi «Assambleıa jastarynyń» belsendi músheleri, Túrkistan oblystyq qoǵamdyq damý basqarmasy «Qoǵamdyq kelisim» KMM-ń basshylyǵy men qyzmetkerleri jáne BAQ ókilderi bar.
Shara maqsaty - týrısik marshrýtty qalyptastyrý, tarıhı nysandar týraly derekti-tanymdyq fılm daıyndaý. Sondaı-aq, ekpedısıa músheleri "Taza Qazaqstan" ekologıalyq aksıasyna úles qosyp, tazalyq sharasyn da uıymdastyrdy.
Sapar aıasynda ekspedıa músheleri Sozaq aýdanyndaǵy tarıhı-mádenı nysandardy aralap, qundy jádigerlermen tanysty.
Tanymdyq-taǵylymdyq sapar jastarǵa rýhanı baılyq qana emes, sondaı-aq jańa ıdeıalar men yntymaqtastyqqa jol ashyp, patrıottyq sezimdi nyǵaıtýǵa zor yqpal etetini sózsiz.
