قازاقستان حالقى اسسامبلەياسىنىڭ 30 جىلدىعىنا وراي «تاريحي تانىم» ەكسپەديسياسى ۇيىمداستىرىلدى. سىرلى سوزاق پەن كيەلى تۇركىستان قالاسى اراسىن جالعاعان شارا ءتۇرلى ەتنوس جاستارىنىڭ قاتىسۋىمەن ءوتتى. بۇل ساپار - ەل تاريحىن تانۋعا، رۋحاني مۇرانى ناسيحاتتاۋعا جانە ەتنوستاردىڭ تاتۋلىعىن دارىپتەۋگە باعىتتالعان،- دەپ حابارلايدى Dalanews.kz
ەكسپەديسيا مۇشەلەرى تۇركىستان قالاسىنداعى «دوستىق ۇيىنەن» سىرلى سوزاققا جولعا شىقتى. دەلەگاسيا قۇرامىندا وڭىردەگى «اسسامبلەيا جاستارىنىڭ» بەلسەندى مۇشەلەرى، تۇركىستان وبلىستىق قوعامدىق دامۋ باسقارماسى «قوعامدىق كەلىسىم» كمم-ڭ باسشىلىعى مەن قىزمەتكەرلەرى جانە ب ا ق وكىلدەرى بار.
شارا ماقساتى - تۋريستىك مارشرۋتتى قالىپتاستىرۋ، تاريحي نىساندار تۋرالى دەرەكتى-تانىمدىق فيلم دايىنداۋ. سونداي-اق، ەكپەديسيا مۇشەلەرى "تازا قازاقستان" ەكولوگيالىق اكسياسىنا ۇلەس قوسىپ، تازالىق شاراسىن دا ۇيىمداستىردى.
ساپار اياسىندا ەكسپەديا مۇشەلەرى سوزاق اۋدانىنداعى تاريحي-مادەني نىسانداردى ارالاپ، قۇندى جادىگەرلەرمەن تانىستى.
تانىمدىق-تاعىلىمدىق ساپار جاستارعا رۋحاني بايلىق قانا ەمەس، سونداي-اق جاڭا يدەيالار مەن ىنتىماقتاستىققا جول اشىپ، پاتريوتتىق سەزىمدى نىعايتۋعا زور ىقپال ەتەتىنى ءسوزسىز.
