Osy maqsatta oblys ákimi Darhan Satybaldynyń tapsyrmasymen arnaiy zerdeleý jumystary júrgizilip jatyr. Onyń barysy búgin oblys ákiminiń tóraǵalyǵymen ótken májilis otyrysynda talqylandy.
Túrkistan oblysynda 833 eldi meken bar. Qazirgi tańda 798 eldi meken Bas josparmen qamtylǵan. Sonymen qatar oblysta halyq sany 50 adamǵa jetpeitin 29 eldi meken bar.
– Qai aýdanda qandai problemalar bar, osyny anyqtaý mańyzdy. Eldi mekenderdiń Bas josparyna sol aqparattardy tolyq engizý qajet. Bul óte mańyzdy. Eldi mekenderdi damytý barysynda osy málimetterge súiený kerek. Qandai joba qolǵa alynsa da, Bas josparǵa baǵynýy tiis, – dedi oblys ákimi.
Taldaý jumystary barysynda kei aýdandarda syzbalardyń normativke sáikes kelmeýi, topotúsirilimder men injenerlik jelilerdiń bolmaýy sekildi birqatar kemshilikter anyqtaldy. Bul baǵyttaǵy jumystar jalǵasady. Qujat oblystyq sáýlet jáne qala qurylysy basqarmasymen kelisilýi tiis.
