وسى ماقساتتا وبلىس اكىمى دارحان ساتىبالدىنىڭ تاپسىرماسىمەن ارنايى زەردەلەۋ جۇمىستارى جۇرگىزىلىپ جاتىر. ونىڭ بارىسى بۇگىن وبلىس اكىمىنىڭ توراعالىعىمەن وتكەن ءماجىلىس وتىرىسىندا تالقىلاندى.
تۇركىستان وبلىسىندا 833 ەلدى مەكەن بار. قازىرگى تاڭدا 798 ەلدى مەكەن باس جوسپارمەن قامتىلعان. سونىمەن قاتار وبلىستا حالىق سانى 50 ادامعا جەتپەيتىن 29 ەلدى مەكەن بار.
– قاي اۋداندا قانداي پروبلەمالار بار، وسىنى انىقتاۋ ماڭىزدى. ەلدى مەكەندەردىڭ باس جوسپارىنا سول اقپاراتتاردى تولىق ەنگىزۋ قاجەت. بۇل وتە ماڭىزدى. ەلدى مەكەندەردى دامىتۋ بارىسىندا وسى مالىمەتتەرگە سۇيەنۋ كەرەك. قانداي جوبا قولعا الىنسا دا، باس جوسپارعا باعىنۋى ءتيىس، – دەدى وبلىس اكىمى.
تالداۋ جۇمىستارى بارىسىندا كەي اۋدانداردا سىزبالاردىڭ نورماتيۆكە سايكەس كەلمەۋى، توپوتۇسىرىلىمدەر مەن ينجەنەرلىك جەلىلەردىڭ بولماۋى سەكىلدى ءبىرقاتار كەمشىلىكتەر انىقتالدى. بۇل باعىتتاعى جۇمىستار جالعاسادى. قۇجات وبلىستىق ساۋلەت جانە قالا قۇرىلىسى باسقارماسىمەن كەلىسىلۋى ءتيىس.
