Túrkistan oblysynda alǵash ret modýldik lager jobasy júzege asyryldy. Jańa bastama arqyly 5 memlekettik lagerge 52 modýldi jataqhana qoiylyp, 7500-den astam qosymsha oryn ashylý josparlanýda,- dep habarlaidy Dalanews.kz
Modýldi lagerdiń alǵashqy korpýsy “Balaýsa” jazǵy saýyqtyrý lagerinde ashyldy. Túrkistan qalasynyń bilim bólimine qarasty balalardyń demalys kesheni kúrdeli jóndeýden ótkizilip, 10 modýldi jataqhanasy paidalanýǵa berildi.
Olardyń árqaisysy 20 balaǵa arnalǵan jatyn orynmen qamtamasyz etilgen. Túgeldei jańa jihazdar men tósek oryndary bar. Ár balanyń jeke kiimderin salatyn shkaftary qarastyrylǵan. Bólme ishi jaryq, ári zamanaýi úlgide bezindirilgen. Lagerdiń alǵashqy aýysymyna 350 bala qabyldandy. Onyń ishinde, 250 bala – Túrkistan qalasynyń, 100 bala – Saýran aýdanynyń oqýshylary. Qalǵan balalar lagerdiń jańartylǵan aldynǵy korpýsynda tynyǵady. “Balaýsa” jazǵy saýyqtyrý ornynda 7 lekpen jalpy 2 myńnan astam balany qabyldaý josparǵa endi.
Sondai-aq Maqtaaral aýdanyndaǵy “Tolaǵai” lagerin aǵymdaǵy jóndeý jumystary júrgizilip, biylǵy jyldyń alǵashqy demalýshylaryn qabyldady. Jalpy ár maýsymda 200-ge jýyq balamen 8 maýsym boiynsha 1500 bala jazǵy saýyqtyrýmen qamtýdy jasparlap otyr.
Demalýshy balalar 5 mezgil tamaqtanyp, kúnderin tańerteńgi jattyǵýmen bastap, sporttyq-estafetalyq jarystar, intelektýaldyq saiystar, mádeni baǵdarlamalar men qatar basseinde túrli shynyǵý jattyǵýlarymen, jaz ailaryndaǵy demalysty kóńildi ótkizýde.
Aita keteiik, biyl Túrkistan oblysyndaǵy qala syrtyndaǵy saýyqtyrý oryndarynda 43 myńnan astam bala demalady. Oqýshylarǵa 10 memlekettik, 24 jekemenshik lager qyzmet kórsetedi. Odan bólek, 300 myńnan astam oqýshy mektep janyndaǵy lagerler men arnaiy ekskýrsiialar, tanymdyq sharalarǵa qatysady.
