تٷركٸستان وبلىسىندا العاش رەت مودۋلدٸك لاگەر جوباسى جٷزەگە اسىرىلدى. جاڭا باستاما ارقىلى 5 مەملەكەتتٸك لاگەرگە 52 مودۋلدٸ جاتاقحانا قويىلىپ, 7500-دەن استام قوسىمشا ورىن اشىلۋ جوسپارلانۋدا,- دەپ حابارلايدى Dalanews.kz
مودۋلدٸ لاگەردٸڭ العاشقى كورپۋسى “بالاۋسا” جازعى ساۋىقتىرۋ لاگەرٸندە اشىلدى. تٷركٸستان قالاسىنىڭ بٸلٸم بٶلٸمٸنە قاراستى بالالاردىڭ دەمالىس كەشەنٸ كٷردەلٸ جٶندەۋدەن ٶتكٸزٸلٸپ, 10 مودۋلدٸ جاتاقحاناسى پايدالانۋعا بەرٸلدٸ.
ولاردىڭ ەرقايسىسى 20 بالاعا ارنالعان جاتىن ورىنمەن قامتاماسىز ەتٸلگەن. تٷگەلدەي جاڭا جيھازدار مەن تٶسەك ورىندارى بار. ەر بالانىڭ جەكە كيٸمدەرٸن سالاتىن شكافتارى قاراستىرىلعان. بٶلمە ٸشٸ جارىق, ەرٸ زاماناۋي ٷلگٸدە بەزٸندٸرٸلگەن. لاگەردٸڭ العاشقى اۋىسىمىنا 350 بالا قابىلداندى. ونىڭ ٸشٸندە, 250 بالا – تٷركٸستان قالاسىنىڭ, 100 بالا – ساۋران اۋدانىنىڭ وقۋشىلارى. قالعان بالالار لاگەردٸڭ جاڭارتىلعان الدىنعى كورپۋسىندا تىنىعادى. “بالاۋسا” جازعى ساۋىقتىرۋ ورنىندا 7 لەكپەن جالپى 2 مىڭنان استام بالانى قابىلداۋ جوسپارعا ەندٸ.
سونداي-اق ماقتاارال اۋدانىنداعى “تولاعاي” لاگەرٸن اعىمداعى جٶندەۋ جۇمىستارى جٷرگٸزٸلٸپ, بيىلعى جىلدىڭ العاشقى دەمالۋشىلارىن قابىلدادى. جالپى ەر ماۋسىمدا 200-گە جۋىق بالامەن 8 ماۋسىم بويىنشا 1500 بالا جازعى ساۋىقتىرۋمەن قامتۋدى جاسپارلاپ وتىر.
دەمالۋشى بالالار 5 مەزگٸل تاماقتانىپ, كٷندەرٸن تاڭەرتەڭگٸ جاتتىعۋمەن باستاپ, سپورتتىق-ەستافەتالىق جارىستار, ينتەلەكتۋالدىق سايىستار, مەدەني باعدارلامالار مەن قاتار باسسەيندە تٷرلٸ شىنىعۋ جاتتىعۋلارىمەن, جاز ايلارىنداعى دەمالىستى كٶڭٸلدٸ ٶتكٸزۋدە.
ايتا كەتەيٸك, بيىل تٷركٸستان وبلىسىنداعى قالا سىرتىنداعى ساۋىقتىرۋ ورىندارىندا 43 مىڭنان استام بالا دەمالادى. وقۋشىلارعا 10 مەملەكەتتٸك, 24 جەكەمەنشٸك لاگەر قىزمەت كٶرسەتەدٸ. ودان بٶلەك, 300 مىڭنان استام وقۋشى مەكتەپ جانىنداعى لاگەرلەر مەن ارنايى ەكسكۋرسييالار, تانىمدىق شارالارعا قاتىسادى.
