Memlekettik qyzmet isteri azamattardyń quqyqtary men zańdy múddelerin qorǵaýǵa basa nazar aýdarady. Bul baǵytta Agenttiktiń Túrkistan oblysy boiynsha departamentiniń negizgi mindetteriniń
biri - memlekettik qyzmetter kórsetý sapasyn arttyrý, ákimshilik kedergilerdi joiý jáne azamattardyń memlekettik organdarǵa degen senimin nyǵaitý bolyp tabylady.
Qoiylǵan mindetterdi iske asyrý aiasynda Departament tarapynan júieli túrde baqylaý jáne túsindirý is-sharalary júrgiziledi.
Degenmen, memlekettik organdar tarapynan azamattarǵa qyzmet kórsetý kezinde zań buzýshylyqtarǵa jol beriletin jekelegen jaǵdailar kezdesedi.
Atap aitqanda, negizsiz bas tartý, artyq qujattar talap etý nemese qyzmet kórsetý merzimderin buzý siiaqty kemshilikter oryn alyp jatady.
Atap ótý qajet, Departamentke jyl basynan memlekettik qyzmet kórsetý sapasy máselesi boiynsha 150-den asa ótinish kelip túsken.
Jalpy jyl basynan 272 azamattyń quqyǵy qalpyna keltirildi (aryz-shaǵym-170, syrtqy baiqaý-102).
Máselen, aǵymdaǵy jyldyń tamyz aiynda Departamentke 92 qyzmet alýshynyń qyzmet kórsetýden negizsiz bas tartylǵany jónindegi ujymdyq aryzy kelip túsken.
Anyqtalǵandai, 2023 jylǵy 3 mamyr - 18 shilde aralyǵynda qyzmet alýshylarmen «elektrondyq úkimettiń» veb-portaly arqyly jyljymaityn múlik obektisiniń mekenjaiyn aiqyndaý úshin tiisti bólimge ótinishter berilgen.
Atalǵan memlekettik kórsetiletin qyzmet Qazaqstan Respýblikasy Indýstriia jáne infraqurylymdyq damý ministriniń m.a. 2020 jylǵy 30 naýryzdaǵy № 168 buiryǵymen bekitilgen «Qazaqstan Respýblikasynyń aýmaǵynda jyljymaityn múlik obektileriniń mekenjaiyn aiqyndaý boiynsha anyqtama berý» qaǵidasymen retteledi (budan ári – Qaǵida).
Óz kezeginde, Deparatmenttiń tekserý barysynda bólimmen Qaǵida talaptary buzylyp, qyzmet kórsetýden negizsiz bas tartylǵany anyqtaldy.
Sonymen qatar, aldyn ala sheshim jobasy joldanbai, tyńdaý rásimderi ótkizilmegen.
Nátijesinde, tekserý qorytyndysymen anyqtalǵan buzýshylyqtardy aldaǵy ýaqytta boldyrmaý týraly bólimge usyný engizildi.
Osy oraida, Departamenttiń yqpalymen 92 qyzmet alýshyǵa jyljymaityn múlik obektisiniń mekenjaiyn naqtylaý týraly anyqtamalar usynylyp, qyzmet alýshylardyń quqytary qalpyna keltirildi.
Aita ketý qajet, memlekettik qyzmet kórsetý kezinde quqyqtaryńyz buzylǵan jaǵdaida Memlekettik qyzmet isteri agenttiginiń Túrkistan oblysy boiynsha departamentine Jańa qala yqsham aýdany 32 kóshe, 16 ǵimarat meken-jaiy boiynsha jazbasha túrde, ne elektrondyq túrde «elektrondyq úkimet» portaly nemese «E-Otinish» azamattardyń barlyq ótinishterin qabyldaý men óńdeýdiń biryńǵai platformasy jáne «Kenes 1414 officiall» telegram-bot arqyly júgine alasyzdar.
Memlekettik qyzmet kórsetý sapasy máseleleri Departamenttiń turaqty bqylaýynda.
Qazaqstan Respýblikasynyń Memlekettik qyzmet isteri agenttiginiń
Túrkistan oblysy boiynsha departamentiniń basshysy,
Ádep jónindegi keńes tóraǵasy
Abylaihan Daǵystanuly NAÝRYZBAEV
