مەملەكەتتىك قىزمەت ىستەرى ازاماتتاردىڭ قۇقىقتارى مەن زاڭدى مۇددەلەرىن قورعاۋعا باسا نازار اۋدارادى. بۇل باعىتتا اگەنتتىكتىڭ تۇركىستان وبلىسى بويىنشا دەپارتامەنتىنىڭ نەگىزگى مىندەتتەرىنىڭ
ءبىرى - مەملەكەتتىك قىزمەتتەر كورسەتۋ ساپاسىن ارتتىرۋ، اكىمشىلىك كەدەرگىلەردى جويۋ جانە ازاماتتاردىڭ مەملەكەتتىك ورگاندارعا دەگەن سەنىمىن نىعايتۋ بولىپ تابىلادى.

قويىلعان مىندەتتەردى ىسكە اسىرۋ اياسىندا دەپارتامەنت تاراپىنان جۇيەلى تۇردە باقىلاۋ جانە ءتۇسىندىرۋ ءىس-شارالارى جۇرگىزىلەدى.

دەگەنمەن، مەملەكەتتىك ورگاندار تاراپىنان ازاماتتارعا قىزمەت كورسەتۋ كەزىندە زاڭ بۇزۋشىلىقتارعا جول بەرىلەتىن جەكەلەگەن جاعدايلار كەزدەسەدى.

اتاپ ايتقاندا، نەگىزسىز باس تارتۋ، ارتىق قۇجاتتار تالاپ ەتۋ نەمەسە قىزمەت كورسەتۋ مەرزىمدەرىن بۇزۋ سياقتى كەمشىلىكتەر ورىن الىپ جاتادى.

اتاپ ءوتۋ قاجەت، دەپارتامەنتكە جىل باسىنان مەملەكەتتىك قىزمەت كورسەتۋ ساپاسى ماسەلەسى بويىنشا 150-دەن اسا ءوتىنىش كەلىپ تۇسكەن.

جالپى جىل باسىنان 272 ازاماتتىڭ قۇقىعى قالپىنا كەلتىرىلدى (ارىز-شاعىم-170، سىرتقى بايقاۋ-102).

ماسەلەن، اعىمداعى جىلدىڭ تامىز  ايىندا دەپارتامەنتكە 92 قىزمەت الۋشىنىڭ  قىزمەت كورسەتۋدەن نەگىزسىز باس تارتىلعانى جونىندەگى ۇجىمدىق ارىزى كەلىپ تۇسكەن.

انىقتالعانداي، 2023 جىلعى 3 مامىر - 18 شىلدە ارالىعىندا قىزمەت الۋشىلارمەن «ەلەكتروندىق ۇكىمەتتىڭ» ۆەب-پورتالى ارقىلى جىلجىمايتىن مۇلىك وبەكتىسىنىڭ مەكەنجايىن ايقىنداۋ ءۇشىن ءتيىستى بولىمگە وتىنىشتەر بەرىلگەن.

اتالعان مەملەكەتتىك كورسەتىلەتىن قىزمەت قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترىنىڭ م.ا. 2020 جىلعى 30 ناۋرىزداعى № 168 بۇيرىعىمەن بەكىتىلگەن «قازاقستان رەسپۋبليكاسىنىڭ اۋماعىندا جىلجىمايتىن مۇلىك وبەكتىلەرىنىڭ مەكەنجايىن ايقىنداۋ بويىنشا انىقتاما بەرۋ» قاعيداسىمەن رەتتەلەدى (بۇدان ءارى – قاعيدا).

ءوز كەزەگىندە، دەپاراتمەنتتىڭ تەكسەرۋ بارىسىندا بولىممەن قاعيدا تالاپتارى بۇزىلىپ، قىزمەت كورسەتۋدەن نەگىزسىز باس تارتىلعانى انىقتالدى.

سونىمەن قاتار، الدىن الا شەشىم جوباسى جولدانباي، تىڭداۋ راسىمدەرى وتكىزىلمەگەن.

ناتيجەسىندە، تەكسەرۋ قورىتىندىسىمەن انىقتالعان بۇزۋشىلىقتاردى الداعى ۋاقىتتا بولدىرماۋ تۋرالى بولىمگە ۇسىنۋ ەنگىزىلدى.

وسى ورايدا، دەپارتامەنتتىڭ ىقپالىمەن 92 قىزمەت الۋشىعا جىلجىمايتىن مۇلىك وبەكتىسىنىڭ مەكەنجايىن ناقتىلاۋ تۋرالى انىقتامالار ۇسىنىلىپ، قىزمەت الۋشىلاردىڭ قۇقىتارى قالپىنا كەلتىرىلدى.

ايتا كەتۋ قاجەت، مەملەكەتتىك قىزمەت كورسەتۋ كەزىندە قۇقىقتارىڭىز بۇزىلعان جاعدايدا مەملەكەتتىك قىزمەت ىستەرى اگەنتتىگىنىڭ تۇركىستان وبلىسى بويىنشا دەپارتامەنتىنە جاڭا قالا ىقشام اۋدانى 32 كوشە، 16 عيمارات مەكەن-جايى بويىنشا جازباشا تۇردە، نە ەلەكتروندىق تۇردە «ەلەكتروندىق ۇكىمەت» پورتالى نەمەسە «ە-Otinish» ازاماتتاردىڭ بارلىق وتىنىشتەرىن قابىلداۋ مەن وڭدەۋدىڭ ءبىرىڭعاي پلاتفورماسى جانە «Kenes 1414 officiall» تelegram-بوت ارقىلى جۇگىنە الاسىزدار.

مەملەكەتتىك قىزمەت كورسەتۋ ساپاسى ماسەلەلەرى دەپارتامەنتتىڭ تۇراقتى بقىلاۋىندا.

قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ

تۇركىستان وبلىسى بويىنشا دەپارتامەنتىنىڭ باسشىسى،

ادەپ جونىندەگى كەڭەس ءتوراعاسى

ابىلايحان داعىستان ۇلى ناۋرىزبايەۆ