Túrkistan oblysy ákimi janyndaǵy áielder isteri jáne otbasylyq-demografiialyq saiasat jónindegi komissiia otyrysy ótti. Májiliske oblys ákiminiń orynbasary Beisenbai Tájibaev tóraǵalyq etip, júrgizip otyrdy. Jiynǵa komissiia músheleri, quqyq qorǵaý orgadary ókilderi, aýdan jáne qalalyq komissiia tóraǵalary selektorlyq formatta qatysty. Kún tártibinde 4 másele qaralyp, baiandamalar jasaldy,- dep habarlaidy Dalanews.kz
— Memleket genderlik teńdikti qamtamasyz etý, otbasylyq institýtty nyǵaitý, ana men bala quqyǵyn qorǵaý, turmystyq zorlyq-zombylyqtyń aldyn alý jáne áleýmettik qoldaý baǵytynda aýqymdy jumystardy atqarýda. Túrkistan óńirinde igilikti bastamalar men jobalar júzege asyrylyp keledi. Áielder qaýymy san túrli salany meńgerip, eńbektenip, eldi damytýǵa úles qosýda. Búgin jii kezdesetin máselelerdi ortaǵa salý, usynystardy talqylaý jáne sheshilý joldaryn qarastyrý úshin jinaldyq. Sizder qoǵamda belsene is atqaryp, problemalardyń oshaqtaryn jiti bilesizder. Sondyqtan pikirlerińizdi tyńdaý - mańyzdy. Erte júktiliktiń aldyn alý sharalarynyń nátijesinde kórsetkish tómendedi. Degenmen kámeletke tolmaǵandar arasynda jáne olarǵa jasalatyn quqyqbuzýshylyq azaimai otyr. Kóbine áleýmettik jetispeýshilik pen otbasylyq janjaldan týyndaidy. Sondai-aq qadaǵalaýdy jazǵy demalysta da eleýsiz qaldyrmaǵan abzal. Bilim uialarynan bastap kolledjderge deiin, jalpy jergilikti jerlerde baqylaýdy kúsheitip, jumysty jandandyrýdy tapsyramyn, - dedi Beisenbai Dáýletuly.
Statistikalyq derekterge súiensek, 2025 jyldyń 7 aiynda júrgizilgen taldaý nátijesinde kámeletke tolmaǵandarmen 69 qylmys bolǵan. Osyǵan bailanysty Túrkistan oblysynyń psihologiialyq qoldaý ortalyǵy» KMM, 17 aýdan jáne qalalyq «Otbasyn qoldaý ortalyǵy» KMM ashylyp, tiisti mindetterdi oryndaýda. Bul ortalyqtar ómirlik qiyn jaǵdaiǵa tap bolǵan turǵyndarǵa jan-jaqty kómektesýde. Jyl basynan beri 17 ortalyqqa 3800-dei ótinish kelip túsip, túrli baǵytta 5 myńnan asa qyzmet kórsetildi. Otbasyn qoldaý ortalyqtarynda jalpy 284,5 shtattyq birlik bekitilip, tiisti mamandar eńbek etýde.
Aita keteiik, Túrkistan oblysynda halyq sany - 2,1 mln adam. Onyń 49 paiyzy – áielder. Respýblikada kópbalaly analardyń 185 myńnan astamy Túrkistan óńiriniń turǵyndary. Búginde aimaqta 55 myńnan astam adam nemese 8935 otbasy ataýly áleýmettik kómek alady. Jiyndy qorytyndylaǵan oblys ákiminiń orynbasary birqatar tapsyrmalardy júktedi.
