Túrkistan oblysynyń Túlkibas aýdanynda jalpy uzyndyǵy 108,7 shaqyrym bolatyn 13 kanalǵa rekonstrýktsiia jasaldy. Onyń ishinde 76,3 shaqyrymy betondaldy, 32,4 shaqyrymyna mehanikalyq tazartý júrgizildi,- dep habarlaidy Dalanews.kz
Sý resýrstary jáne irrigatsiia ministri Nurjan Nurjigitov jasalǵan jumystardyń nátijesimen tanysty. Búginde kanalda árleý jáne tazalaý jumystary júrgizilip jatyr. Rekonstrýktsiia jumystarynyń nátijesinde 8 632 gektar egis alqaby qaita igerilip, aýdandaǵy jalpy sýarmaly alqap kólemi 16 832 gektarǵa jetedi.
Óńirge sapary aiasynda ministr Joǵarǵy Aqsý sý torabynyń jumysymen tanysty. Nysan Sairam aýdanynyń diqandaryn sýarmaly sýmen qamtamasyz etedi. Búginde sý torabynan sekýndyna 7 tekshe metr sý jiberilip jatyr.
Nurjan Nurjigitov Sairam aýdanynyń diqandarymen jáne «Turan sý» mekemesiniń qyzmetkerlerimen kezdesti. Vedomstvo basshysy elimizde sý sharýashylyǵyn damytý baǵytynda jasalyp jatqan jumystar jóninde aityp berdi.
«Túrkistan oblysynyń diqandaryn sýarmaly sýmen turaqty qamtamasyz etý úshin Báidibek ata sý qoimasy salynyp jatyr. Nysan qoldanysqa berilgennen keiin Sairam aýdanynda sýarmaly sýmen qamtý máselesi tolyq sheshiledi. Degenmen sharýalar sý únemdeitin júielerge kóshýi kerek. Bul - zaman talaby. Elimizde sý únemdeý júielerin satyp alý shyǵyny 80%-ǵa deiin óteledi. Uńǵyma qazý úshin de 80% sýbsidiia qarastyrylǵan. Memleket tarapynan qoldaý bar, endi sony paidalaný kerek»,- dedi Sý resýrstary jáne irrigatsiia ministri Nurjan Nurjigitov.
Odan keiin ministr «Sairam-sý» sý bógetine bardy. Nysan Sairam-sý ózeniniń aǵynyn rettep, oń jáne sol jaǵalaý magistraldyq kanaldary arqyly 8 760 gektar jerdi sýarmaly sýmen qamtamasyz etedi.
Sondai-aq «Toǵyz» sý qoimasyna qosymsha sý jiberedi. Ministr Túrkistan oblysynyń «Qazsýshar» filialyna jańa arnaiy tehnikalardyń kiltterin tabystaý rásimine qatysty.
Jalpy alǵanda, filial 69 tehnika aldy, onyń ishinde ekskavator-tiegishter, shynjyr tabandy ekskavatorlar, tirkemeler, sý tasyǵyshtar, samosvaldar, avtokran, tartqysh, aspaly jabdyq, dizeldi generator jáne t.b. bar. Filialǵa jalpy sany 133 tehnika bólindi, endi qalǵany jyl sońyna deiin jetkiziledi.
Esterińizge sala keteiik, qazirgi ýaqytta «Qazsýshar» RMK filialdaryn búkil el boiynsha jańa jabdyqtarmen jaraqtandyrý jalǵasyp jatyr. Búgingi tańda kásiporyn filialdary josparlanǵan 757 arnaiy tehnika men avtokóliktiń 439-yn aldy.
