تٷركٸستان وبلىسىنىڭ تٷلكٸباس اۋدانىندا جالپى ۇزىندىعى 108,7 شاقىرىم بولاتىن 13 كانالعا رەكونسترۋكتسييا جاسالدى. ونىڭ ٸشٸندە 76,3 شاقىرىمى بەتوندالدى, 32,4 شاقىرىمىنا مەحانيكالىق تازارتۋ جٷرگٸزٸلدٸ,- دەپ حابارلايدى Dalanews.kz
سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ جاسالعان جۇمىستاردىڭ نەتيجەسٸمەن تانىستى. بٷگٸندە كانالدا ەرلەۋ جەنە تازالاۋ جۇمىستارى جٷرگٸزٸلٸپ جاتىر. رەكونسترۋكتسييا جۇمىستارىنىڭ نەتيجەسٸندە 8 632 گەكتار ەگٸس القابى قايتا يگەرٸلٸپ, اۋدانداعى جالپى سۋارمالى القاپ كٶلەمٸ 16 832 گەكتارعا جەتەدٸ.
ٶڭٸرگە ساپارى اياسىندا مينيستر جوعارعى اقسۋ سۋ تورابىنىڭ جۇمىسىمەن تانىستى. نىسان سايرام اۋدانىنىڭ ديقاندارىن سۋارمالى سۋمەن قامتاماسىز ەتەدٸ. بٷگٸندە سۋ تورابىنان سەكۋندىنا 7 تەكشە مەتر سۋ جٸبەرٸلٸپ جاتىر.
نۇرجان نۇرجٸگٸتوۆ سايرام اۋدانىنىڭ ديقاندارىمەن جەنە «تۇران سۋ» مەكەمەسٸنٸڭ قىزمەتكەرلەرٸمەن كەزدەستٸ. ۆەدومستۆو باسشىسى ەلٸمٸزدە سۋ شارۋاشىلىعىن دامىتۋ باعىتىندا جاسالىپ جاتقان جۇمىستار جٶنٸندە ايتىپ بەردٸ.
«تٷركٸستان وبلىسىنىڭ ديقاندارىن سۋارمالى سۋمەن تۇراقتى قامتاماسىز ەتۋ ٷشٸن بەيدٸبەك اتا سۋ قويماسى سالىنىپ جاتىر. نىسان قولدانىسقا بەرٸلگەننەن كەيٸن سايرام اۋدانىندا سۋارمالى سۋمەن قامتۋ مەسەلەسٸ تولىق شەشٸلەدٸ. دەگەنمەن شارۋالار سۋ ٷنەمدەيتٸن جٷيەلەرگە كٶشۋٸ كەرەك. بۇل - زامان تالابى. ەلٸمٸزدە سۋ ٷنەمدەۋ جٷيەلەرٸن ساتىپ الۋ شىعىنى 80%-عا دەيٸن ٶتەلەدٸ. ۇڭعىما قازۋ ٷشٸن دە 80% سۋبسيدييا قاراستىرىلعان. مەملەكەت تاراپىنان قولداۋ بار, ەندٸ سونى پايدالانۋ كەرەك»,- دەدٸ سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ.
ودان كەيٸن مينيستر «سايرام-سۋ» سۋ بٶگەتٸنە باردى. نىسان سايرام-سۋ ٶزەنٸنٸڭ اعىنىن رەتتەپ, وڭ جەنە سول جاعالاۋ ماگيسترالدىق كانالدارى ارقىلى 8 760 گەكتار جەردٸ سۋارمالى سۋمەن قامتاماسىز ەتەدٸ.
سونداي-اق «توعىز» سۋ قويماسىنا قوسىمشا سۋ جٸبەرەدٸ. مينيستر تٷركٸستان وبلىسىنىڭ «قازسۋشار» فيليالىنا جاڭا ارنايى تەحنيكالاردىڭ كٸلتتەرٸن تابىستاۋ رەسٸمٸنە قاتىستى.
جالپى العاندا, فيليال 69 تەحنيكا الدى, ونىڭ ٸشٸندە ەكسكاۆاتور-تيەگٸشتەر, شىنجىر تاباندى ەكسكاۆاتورلار, تٸركەمەلەر, سۋ تاسىعىشتار, ساموسۆالدار, اۆتوكران, تارتقىش, اسپالى جابدىق, ديزەلدٸ گەنەراتور جەنە ت.ب. بار. فيليالعا جالپى سانى 133 تەحنيكا بٶلٸندٸ, ەندٸ قالعانى جىل سوڭىنا دەيٸن جەتكٸزٸلەدٸ.
ەستەرٸڭٸزگە سالا كەتەيٸك, قازٸرگٸ ۋاقىتتا «قازسۋشار» رمك فيليالدارىن بٷكٸل ەل بويىنشا جاڭا جابدىقتارمەن جاراقتاندىرۋ جالعاسىپ جاتىر. بٷگٸنگٸ تاڭدا كەسٸپورىن فيليالدارى جوسپارلانعان 757 ارنايى تەحنيكا مەن اۆتوكٶلٸكتٸڭ 439-ىن الدى.
