Negizgi kapitalǵa salynǵan investitsiia kólemi de 2,5 esege kóbeiip, Túrkistan oblysynyń respýblikadaǵy úlesi 3-shi orynda tur. Búginde Túrkistan óńirinde 70 myńnan astam sharýa qojalyqtary jumys isteidi.
Oblysta egistik alqaptary ulǵaitylyp, egisti ártaraptandyrý maqsatynda mal azyqtyq daqyldarǵa kóńil bólinip otyr. Ozyq tehnologiialardy engizý jáne aýyl sharýashylyǵy tehnikalaryn jetildirý baǵytynda da kóptegen jumystar atqarylǵan.
Máselen, tamshylatyp sýǵarý ádisi qosymsha 7,0 myń ga endirilip, jalpy kólemi 16,8 myń ga jetti. Jańadan 400 den astam shaǵyn bordaqylaý alańdary, 12 qus fermasy men balyq sharýashylyqtary ashylǵan. Biyl aýyl sharýashylyǵy salasynda aldyńǵy qatarly tehnologiialardy qoldana otyryp, halyqty jumyspen qamtý maqsatynda jalpy quny 103,3 mlrd. teńgeni quraityn 553 joba ázirlendi.
2019 jyldyń 9 aiynyń qorytyndysymen aýyl sharýashylyǵy ónimderiniń eksporty 157,3 mln. AQSh dollaryn quraǵan. Resei, Ózbekstan, Tájikstan, Ázirbaijan, Iran, jáne Bahrein elderine iri qara jáne ýaq mal etteri eksporttalǵan. Sonymen qatar, Resei, Belorýssiiaǵa 304,3 myń tonna qarbyz ben qaýyn jetkizilgen. Sondai-aq, maqta talshyǵynyń eksporty jyl saiyn artýda. Biyl 264,0 mln. AQSh dollaryn quraityn aýyl sharýashylyǵy ónimderin eksporttaý kútilýde.
Túrkistan oblysy ákiminiń baspasóz qyzmeti
Taǵy oqyńyz
https://dalanews.kz/47776
