نەگىزگى كاپيتالعا سالىنعان ينۆەستيسيا كولەمى دە 2،5 ەسەگە كوبەيىپ، تۇركىستان وبلىسىنىڭ رەسپۋبليكاداعى ۇلەسى 3ء-شى ورىندا تۇر. بۇگىندە تۇركىستان وڭىرىندە 70 مىڭنان استام شارۋا قوجالىقتارى جۇمىس ىستەيدى.
وبلىستا ەگىستىك القاپتارى ۇلعايتىلىپ، ەگىستى ءارتاراپتاندىرۋ ماقساتىندا مال ازىقتىق داقىلدارعا كوڭىل ءبولىنىپ وتىر. وزىق تەحنولوگيالاردى ەنگىزۋ جانە اۋىل شارۋاشىلىعى تەحنيكالارىن جەتىلدىرۋ باعىتىندا دا كوپتەگەن جۇمىستار اتقارىلعان.
ماسەلەن، تامشىلاتىپ سۋعارۋ ءادىسى قوسىمشا 7،0 مىڭ گا ەندىرىلىپ، جالپى كولەمى 16،8 مىڭ گا جەتتى. جاڭادان 400 دەن استام شاعىن بورداقىلاۋ الاڭدارى، 12 قۇس فەرماسى مەن بالىق شارۋاشىلىقتارى اشىلعان. بيىل اۋىل شارۋاشىلىعى سالاسىندا الدىڭعى قاتارلى تەحنولوگيالاردى قولدانا وتىرىپ، حالىقتى جۇمىسپەن قامتۋ ماقساتىندا جالپى قۇنى 103،3 ملرد. تەڭگەنى قۇرايتىن 553 جوبا ازىرلەندى.
ناتيجەسىندە 4620 جاڭا جۇمىس ورىندارى اشىلاتىن بولادى. بۇگىنگى كۇنگە ولاردىڭ تەڭ جارتىسىنان استامى ىسكە اسقان جانە كوبىنە مال شارۋاشىلىعىن دامىتۋ سالاسىنا باعىتتالعان.
2019 جىلدىڭ 9 ايىنىڭ قورىتىندىسىمەن اۋىل شارۋاشىلىعى ونىمدەرىنىڭ ەكسپورتى 157،3 ملن. اقش دوللارىن قۇراعان. رەسەي، وزبەكستان، تاجىكستان، ءازىربايجان، يران، جانە باحرەين ەلدەرىنە ءىرى قارا جانە ۋاق مال ەتتەرى ەكسپورتتالعان. سونىمەن قاتار، رەسەي، بەلورۋسسياعا 304،3 مىڭ توننا قاربىز بەن قاۋىن جەتكىزىلگەن. سونداي-اق، ماقتا تالشىعىنىڭ ەكسپورتى جىل سايىن ارتۋدا. بيىل 264،0 ملن. اقش دوللارىن قۇرايتىن اۋىل شارۋاشىلىعى ونىمدەرىن ەكسپورتتاۋ كۇتىلۋدە.
تۇركىستان وبلىسى اكىمىنىڭ باسپا ءسوز قىزمەتى
تاعى وقىڭىز
https://dalanews.kz/47776
