Saýran aýdanynda kóktemgi kórkeıtý-kógaldandyrý jáne sanıtarlyq tazalyq jumystary aıasynda keń kólemdi senbilik uıymdastyryldy. Aýqymdy shara Túrkistan – Kentaý avtomobıl jolynyń boıynda, atap aıtqanda Oranǵaı jáne Iassy aýyldyq okrýgteriniń aýmaǵynda ótti, dep habarlaıdy Dalanews.kz
Tazalyq aksıasyna Saýran aýdanynyń ákimi Maqsat Tańǵatarov bastaǵan aýdan aktıvi, memlekettik qyzmetkerler, densaýlyq saqtaý mekemeleriniń qyzmetkerleri, din ókilderi, belsendi azamattar men erikti jastar, sondaı-aq jergilikti turǵyndar — barlyǵy 600-ge jýyq adam qatysty.
Shara barysynda uzyndyǵy 21 shaqyrymǵa sozylǵan Qarashyq ózeniniń boıy tazartylyp, qoqys qaldyqtary jınaldy. Sonymen qatar retsiz ósken aǵash butalary kesilip, aǵash túpteri ákteldi. Jalpy tazalyq jumystaryna 20 dana tehnıka jumyldyryldy.
Aýdan ákimi turǵyndardy qorshaǵan ortany taza ustaýǵa shaqyryp, tabıǵatqa janashyrlyqpen qaraýdyń mańyzdylyǵyna toqtaldy.
Aıta keteıik, aýdan aýmaǵynda kóktemgi sanıtarlyq tazalyq jumystary jalǵasýda. Aldaǵy ýaqytta aýyldyq okrýgterde de osyndaı aýqymdy ekologıalyq sharalar uıymdastyrý josparlanyp otyr.
