ساۋران اۋدانىندا كٶكتەمگٸ كٶركەيتۋ-كٶگالداندىرۋ جەنە سانيتارلىق تازالىق جۇمىستارى اياسىندا كەڭ كٶلەمدٸ سەنبٸلٸك ۇيىمداستىرىلدى. اۋقىمدى شارا تٷركٸستان – كەنتاۋ اۆتوموبيل جولىنىڭ بويىندا, اتاپ ايتقاندا ورانعاي جەنە ياسسى اۋىلدىق وكرۋگتەرٸنٸڭ اۋماعىندا ٶتتٸ, دەپ حابارلايدى Dalanews.kz
تازالىق اكتسيياسىنا ساۋران اۋدانىنىڭ ەكٸمٸ ماقسات تاڭعاتاروۆ باستاعان اۋدان اكتيۆٸ, مەملەكەتتٸك قىزمەتكەرلەر, دەنساۋلىق ساقتاۋ مەكەمەلەرٸنٸڭ قىزمەتكەرلەرٸ, دٸن ٶكٸلدەرٸ, بەلسەندٸ ازاماتتار مەن ەرٸكتٸ جاستار, سونداي-اق جەرگٸلٸكتٸ تۇرعىندار — بارلىعى 600-گە جۋىق ادام قاتىستى.
شارا بارىسىندا ۇزىندىعى 21 شاقىرىمعا سوزىلعان قاراشىق ٶزەنٸنٸڭ بويى تازارتىلىپ, قوقىس قالدىقتارى جينالدى. سونىمەن قاتار رەتسٸز ٶسكەن اعاش بۇتالارى كەسٸلٸپ, اعاش تٷپتەرٸ ەكتەلدٸ. جالپى تازالىق جۇمىستارىنا 20 دانا تەحنيكا جۇمىلدىرىلدى.
اۋدان ەكٸمٸ تۇرعىنداردى قورشاعان ورتانى تازا ۇستاۋعا شاقىرىپ, تابيعاتقا جاناشىرلىقپەن قاراۋدىڭ ماڭىزدىلىعىنا توقتالدى.
ايتا كەتەيٸك, اۋدان اۋماعىندا كٶكتەمگٸ سانيتارلىق تازالىق جۇمىستارى جالعاسۋدا. الداعى ۋاقىتتا اۋىلدىق وكرۋگتەردە دە وسىنداي اۋقىمدى ەكولوگييالىق شارالار ۇيىمداستىرۋ جوسپارلانىپ وتىر.
