Sáýir aiynda 8 myń tonna qyryqqabat jinaldy. Jospar 40 paiyzǵa artyq oryndaldy. Aldaǵy úsh aida 450 myń tonnadan astam ónim jinaý josparlanǵan. Nátijesinde maýsymaralyq kezeńde respýblikalyq qajettilik qyryqqabat boiynsha 95 paiyzǵa qamtamasyz etiledi. Egilgen sábiz, piiaz jáne kartop kólemi de artty.
Túrkistan oblysynda ózge oblystarmen erte pisetin ónimderge forvardtyq kelisimsharttar jasalyp, 6,5 myń tonna ónimderdi taýar óndirýshilerden tikelei satyp alý jóninde kelisimsharttarǵa qol qoiyldy. Mańyzdy másele Túrkistan oblysynyń ákimi Darhan Satybaldynyń jiti baqylaýynda. Sonymen qatar azyq-túlik qaýipsizdigin qamtamasyz etýdiń josparyna sáikes aǵymdaǵy jyly 860 myń gektar jerge daqyldar egiledi.
Túrkistan oblysynda ártaraptandyrý arqyly joǵary rentabeldi daqyldardyń alqaptaryn ulǵaitý boiynsha jumystar jalǵasyn tapty. Atap aitqanda, kókónis 2,3 myń gektarǵa artyp 45 myń gektarǵa egildi, baqsha 8,7 myń gektarǵa artyp, 69 myń gektarǵa egildi. Malazyqtyq daqyldardyń kólemi 6,7 myń gektarǵa artyp, 228 myń gektarǵa ornalastyryldy.
Sáikesinshe, maqta daqyly 14,4 myń gektarǵa qysqartylyp, 111 myń gektarǵa egildi. Tuzdanǵan jáne sorlanǵan alqaptarda tuzǵa turaqty júgeri, burshaqty daqyldy (mash) egýdi qolǵa alyndy. Sonymen birge biyl oblystyń ońtústik aimaqtarynda qosymsha 2 myń gektarǵa dándik júgeri, 500 gektarǵa burshaqty daqyl egildi.
Ónimderdi saqtaý qoimalaryn arttyrý boiynsha tiisti jumystar atqarylýda. Qazirgi tańda oblysta jalpy syiymdylyǵy 38 myń tonnany quraityn 20 birlik jemis-kókónis saqtaý qaimasy bar. 2023-2025 jyldarǵa jalpy quny 21 mlrd teńgege syiymdylyǵy 86 myń tonna arnalǵan 15 birlik zamanaýi úlgidegi jemis-kókónis saqtaý qoimasyn salý josparlanyp otyr. Onyń ishinde 22 myń tonnaǵa arnalǵan 8 qoima boiynsha jobalar biyl júzege asyrylady.
Investitsiialyq sýbsidiialaý baǵdarlamasy arqyly «1 myń tonnadan bastalatyn kartop-kókónis saqtaý oryndaryn salý, keńeitý» jobalary shyǵynyn 25 paiyzyn óteýge biýdjetten tiisti qoldaýlar kórsetiledi.
