سەۋٸر ايىندا 8 مىڭ توننا قىرىققابات جينالدى. جوسپار 40 پايىزعا ارتىق ورىندالدى. الداعى ٷش ايدا 450 مىڭ توننادان استام ٶنٸم جيناۋ جوسپارلانعان. نەتيجەسٸندە ماۋسىمارالىق كەزەڭدە رەسپۋبليكالىق قاجەتتٸلٸك قىرىققابات بويىنشا 95 پايىزعا قامتاماسىز ەتٸلەدٸ. ەگٸلگەن سەبٸز, پيياز جەنە كارتوپ كٶلەمٸ دە ارتتى.
تٷركٸستان وبلىسىندا ٶزگە وبلىستارمەن ەرتە پٸسەتٸن ٶنٸمدەرگە فورۆاردتىق كەلٸسٸمشارتتار جاسالىپ, 6,5 مىڭ توننا ٶنٸمدەردٸ تاۋار ٶندٸرۋشٸلەردەن تٸكەلەي ساتىپ الۋ جٶنٸندە كەلٸسٸمشارتتارعا قول قويىلدى. ماڭىزدى مەسەلە تٷركٸستان وبلىسىنىڭ ەكٸمٸ دارحان ساتىبالدىنىڭ جٸتٸ باقىلاۋىندا. سونىمەن قاتار ازىق-تٷلٸك قاۋٸپسٸزدٸگٸن قامتاماسىز ەتۋدٸڭ جوسپارىنا سەيكەس اعىمداعى جىلى 860 مىڭ گەكتار جەرگە داقىلدار ەگٸلەدٸ.
تٷركٸستان وبلىسىندا ەرتاراپتاندىرۋ ارقىلى جوعارى رەنتابەلدٸ داقىلداردىڭ القاپتارىن ۇلعايتۋ بويىنشا جۇمىستار جالعاسىن تاپتى. اتاپ ايتقاندا, كٶكٶنٸس 2,3 مىڭ گەكتارعا ارتىپ 45 مىڭ گەكتارعا ەگٸلدٸ, باقشا 8,7 مىڭ گەكتارعا ارتىپ, 69 مىڭ گەكتارعا ەگٸلدٸ. مالازىقتىق داقىلداردىڭ كٶلەمٸ 6,7 مىڭ گەكتارعا ارتىپ, 228 مىڭ گەكتارعا ورنالاستىرىلدى.
سەيكەسٸنشە, ماقتا داقىلى 14,4 مىڭ گەكتارعا قىسقارتىلىپ, 111 مىڭ گەكتارعا ەگٸلدٸ. تۇزدانعان جەنە سورلانعان القاپتاردا تۇزعا تۇراقتى جٷگەرٸ, بۇرشاقتى داقىلدى (ماش) ەگۋدٸ قولعا الىندى. سونىمەن بٸرگە بيىل وبلىستىڭ وڭتٷستٸك ايماقتارىندا قوسىمشا 2 مىڭ گەكتارعا دەندٸك جٷگەرٸ, 500 گەكتارعا بۇرشاقتى داقىل ەگٸلدٸ.
ٶنٸمدەردٸ ساقتاۋ قويمالارىن ارتتىرۋ بويىنشا تيٸستٸ جۇمىستار اتقارىلۋدا. قازٸرگٸ تاڭدا وبلىستا جالپى سىيىمدىلىعى 38 مىڭ توننانى قۇرايتىن 20 بٸرلٸك جەمٸس-كٶكٶنٸس ساقتاۋ قايماسى بار. 2023-2025 جىلدارعا جالپى قۇنى 21 ملرد تەڭگەگە سىيىمدىلىعى 86 مىڭ توننا ارنالعان 15 بٸرلٸك زاماناۋي ٷلگٸدەگٸ جەمٸس-كٶكٶنٸس ساقتاۋ قويماسىن سالۋ جوسپارلانىپ وتىر. ونىڭ ٸشٸندە 22 مىڭ تونناعا ارنالعان 8 قويما بويىنشا جوبالار بيىل جٷزەگە اسىرىلادى.
ينۆەستيتسييالىق سۋبسيدييالاۋ باعدارلاماسى ارقىلى «1 مىڭ توننادان باستالاتىن كارتوپ-كٶكٶنٸس ساقتاۋ ورىندارىن سالۋ, كەڭەيتۋ» جوبالارى شىعىنىن 25 پايىزىن ٶتەۋگە بيۋدجەتتەن تيٸستٸ قولداۋلار كٶرسەتٸلەدٸ.
