Túrkistan oblysynda 400 myń sharshy metr turǵyn úi tapsyryldy
2017 jyldyń jyldyń osy merzimimen salystyrǵanda 21,7 paiyzǵa ulǵaiyp otyr. Al memlekettik biýdjet esebinen 171,8 myń sharshy metr arendalyq turǵyn úilerdiń (2509 páter, 74 turǵyn úi) qurylysy júrgizildi. Jyl qorytyndysymen 30,6 myń sharshy metr (500 páter, 35 turǵyn úi) paidalanýǵa tapsyrylǵan.
Budan ózge, aǵymdaǵy jyly memlekettik qarjylandyrýdyń barlyq kózderi arqyly 186 kópqabatty turǵyn úidiń (466,2 myń sharshy metr, 6721 páter) qurylysy júrgiziledi. Onyń ishinde biyl 82 kópqabatty turǵyn úi (211,6 myń sharshy metr 3133 páter) paidalanýǵa tapsyrylady dep josparlanýda.
Sonymen qatar, aýdan, qala ákimdikteriniń eldi mekenderinde 1715 jeke turǵyn úidiń (239,8 myń sharshy metr) qurylysyn salyp, paidalanýǵa tapsyrý kózdelýde. Jyl qorytyndysymen 451,4 myń sharshy metrge (4848 páter) jetpek.
Sondai-aq, ótken jyly oblys ortalyǵy Túrkistan qalasynda «ÁKK Túrkistan» AQ-y jáne jeke salýshylar arqyly 6 kópqabatty kredittik turǵyn úilerdiń (336 páter, 26,1 myń sharshy metr) qurylysy bastaldy. 2019 jyldyń 3-toqsanynda osy úiler paidalanýǵa tapsyrylyp, barlyq páterler «7-20-25» baǵdarlamasy arqyly halyqqa usynylady.
Túrkistan qalasyndaǵy Otyrar móltekaýdanynda jalpy aýmaǵy 38 gektar quraityn «Túrkistan-jańa qala» turǵyn úi keshenderinde kredittik 88 (2724 páter, 196,3 myń sharshy metr) kópqabatty turǵyn úidiń qurylysy bastaldy.
