2017 جىلدىڭ جىلدىڭ وسى مەرزىمىمەن سالىستىرعاندا 21،7 پايىزعا ۇلعايىپ وتىر. ال مەملەكەتتىك بيۋدجەت ەسەبىنەن 171،8 مىڭ شارشى مەتر ارەندالىق تۇرعىن ۇيلەردىڭ (2509 پاتەر، 74 تۇرعىن ءۇي) قۇرىلىسى جۇرگىزىلدى. جىل قورىتىندىسىمەن 30،6 مىڭ شارشى مەتر (500 پاتەر، 35 تۇرعىن ءۇي) پايدالانۋعا تاپسىرىلعان.
بۇدان وزگە، اعىمداعى جىلى مەملەكەتتىك قارجىلاندىرۋدىڭ بارلىق كوزدەرى ارقىلى 186 كوپقاباتتى تۇرعىن ءۇيدىڭ (466،2 مىڭ شارشى مەتر، 6721 پاتەر) قۇرىلىسى جۇرگىزىلەدى. ونىڭ ىشىندە بيىل 82 كوپقاباتتى تۇرعىن ءۇي (211،6 مىڭ شارشى مەتر 3133 پاتەر) پايدالانۋعا تاپسىرىلادى دەپ جوسپارلانۋدا.
سونىمەن قاتار، اۋدان، قالا اكىمدىكتەرىنىڭ ەلدى مەكەندەرىندە 1715 جەكە تۇرعىن ءۇيدىڭ (239،8 مىڭ شارشى مەتر) قۇرىلىسىن سالىپ، پايدالانۋعا تاپسىرۋ كوزدەلۋدە. جىل قورىتىندىسىمەن 451،4 مىڭ شارشى مەترگە (4848 پاتەر) جەتپەك.
سونداي-اق، وتكەن جىلى وبلىس ورتالىعى تۇركىستان قالاسىندا «اكك تۇركىستان» اق-ى جانە جەكە سالۋشىلار ارقىلى 6 كوپقاباتتى كرەديتتىك تۇرعىن ۇيلەردىڭ (336 پاتەر، 26،1 مىڭ شارشى مەتر) قۇرىلىسى باستالدى. 2019 جىلدىڭ 3-توقسانىندا وسى ۇيلەر پايدالانۋعا تاپسىرىلىپ، بارلىق پاتەرلەر «7-20-25» باعدارلاماسى ارقىلى حالىققا ۇسىنىلادى.
تۇركىستان قالاسىنداعى وتىرار مولتەكاۋدانىندا جالپى اۋماعى 38 گەكتار قۇرايتىن «تۇركىستان-جاڭا قالا» تۇرعىن ءۇي كەشەندەرىندە كرەديتتىك 88 (2724 پاتەر، 196،3 مىڭ شارشى مەتر) كوپقاباتتى تۇرعىن ءۇيدىڭ قۇرىلىسى باستالدى.
