– Qazirgi tańda Túrkistan oblysynda 80 kóshpeli egý brigadasy jumys isteidi. Vaktsinatsiia júrgizý úshin daiarlanǵan 500-den asa mamanmen qamtamasyz etilgen. Túrkistan oblysy boiynsha jappai vaktsinatsiialaý algoritmi jasalǵan. Josparǵa sáikes, 185 myń doza «Spýtnik-V» jáne 752 myń doza quraityn «QazVac» otandyq vaktsinamen qamtamasyz etý josparlanyp otyr, – dedi Ómirzaq Shókeev.
Sońǵy táýlikte 30 adam KVI aýrýshańdyqpen tirkelip, onyń jartysynan astamynan aýrýdyń simptomsyz túri anyqtalǵan. Koronavirýstyq infektsiianyń ár túrli stsenariine bailanysty infektsiialyq tósek-oryn sanyn 5 610-ǵa deiin ulǵaitýǵa múmkindik bar.
Jappai vaktsinatsiialaý algoritmine sáikes, qala jáne aýdan turǵyndary vaktsinany jergilikti emhanalardyń egý kabinetterinde arnaiy tizim jáne aldyn ala jazylý tásili boiynsha saldyrady. Ekpe sondai-aq jyljymaly pýnktterde júrgiziledi. Turǵyndar aldyn ala Egov elektrondy júiesi arqyly tirkelip, erikti túrde vaktsina jasata alady.
