Túrkistan oblysynda 1 myń 800 gektar jerge tamshylatyp sýarý júiesi engizilgen
Qazyǵurt aýdanyndaǵy eń iri et eksporttaýshy sharýashylyq bir jylda 12 myń bas iri qara bordaqylaidy. Biyldyń ózinde Iran men Ózbekstanǵa 2 myń tonna et saýdalap úlgergen. Agro salaǵa jasalatyn memlekettik qoldaý endi sharýashalyq jumysynyń aiasyn keńeitýge múmkindik týyp otyr. Seriktestik basshylary sony paidalanyp, taǵy 10 myń iri qara bordaqylaityn keshen qurylysyn bastaǵan.
– Búgingi Joldaýda «2020 baǵdarlamasyn» 2025 jylǵa deiin sozý týraly aityldy. Bul bizge úlken qoldaý dep esepteimin. Budan basqa jeńildetilgen nesie berý, ónimin eksportqa shyǵaryp jatqan sharýalardy qoldaý jalǵasatyn boldy. Elbasynyń bul bastamasy kásibimizdi damytýǵa septigin tigizetini anyq, – deidi sharýa qojalyǵynyń tóraǵasy Syrym Ertaev.
Búginde elimizdegi aýyl sharýashylyǵy sala investitsiia men jańa tehnologiiaǵa muqtaj ekeni belgili. Aldaǵy ýaqytta Túrkistan oblysynyń sharýalary tamshylatyp sýarý, gidroponika, jer asty sýlaryn paidalaný tehnologiialaryn qoldanýǵa umtylýda. Óitkeni Joldaýda Prezident osy jaittardy ashyp aitqany belgili.
– Túrkistan oblysynda tamshylatyp sýarý, jylyjailar, qarqyndy baýlar, sonymen qatar mal bordaqylaý alańdary, sút jinaý beketterin ornatý, sondai-aq asyl tuqymdy iri qarany 2,5 esege kóbeitý kózdelip otyr, – dep Oblystyq aýylsharýashylyǵy basqarmasynyń basshysy N.Badyraqov mańyzdy mindetterdi qolǵa alǵandaryn tilge tiek etti.
Búginde Túrkistan agrarlyq salada tiimdi tehnologiialardy keńinen paidalanyp kele jatqan óńir bolyp tabylady. Qazir aimaqtaǵy egistik alqaptyń 1 myń 800 gektary tamshylatyp sýarý júiesine kóshken. Al, jylyjai kólemi 1 myń 285 gektarǵa jetip otyr. Soynmen qatar sharýlara memlekettiń aýyl sharýashylyǵy salasyndaǵy qarjylai qoldaýyn tsifrlandyrý isimen ushtastyrǵanyn da aita ketýimiz kerek. Bul shara fermerdiń ýaqytyn paidalanyp, qaǵazbastylyqtan qutqarǵanyn atap aitýǵa bolady.
