Batys Qazaqstan oblysy Oral qalasynda Amanat partiiasy saiasi menedjment akademiiasynyń uiymdastyrýymen fýnktsionaldyq quzyretterdi damytýǵa arnalǵan úsh kúndik modýldik oqý jumysy bastaldy. Oǵan jalpy sany 110 adam qatysyp, biliktiligin arttyryp jatyr, dep habarlaidy dalanews.kz.
Aita keteiik, buǵan deiin Amanat partiiasy saiasi uiymnyń kadrlyq aktiviniń fýnktsionaldyq quzyretterin damytýǵa baǵyttalǵan jańa jobany qolǵa alǵan bolatyn. Joba jergilikti jerlerde kásibi ári tiimdi basqarýshy býyndy qalyptastyrýdy kózdeidi. Mundaǵy basty maqsat – óńirlerdegi ózekti máselelerdi jedel sheshýge, azamattarmen ashyq ári syndarly dialog ornatýǵa qabiletti jańa formattaǵy basqarýshy kadrlar korpýsyn qalyptastyrý.
Amanat partiiasy Batys Qazaqstan oblystyq filialynyń tóraǵasy Murat Muqaev modýldik oqý jumysynyń máni men mańyzyna toqtaldy.
"Oqý kýrsyna barlyq deńgeidegi máslihat depýtattary, aýyldyq okrýg ákimderi jáne bastaýysh partiia uiymdarynyń belsendileri qatysýda. Aldaǵy ýaqytta olar turǵyndarmen tyǵyz qarym-qatynas ornatý negizderin jetildiredi. Sonymen qatar osy oqý barysynda jańa taqyryptardy meńgerýge de múmkindik jasalyp jatyr", – dedi ol.
Osylaisha, saiasi menedjment akademiiasynyń mamandary, kásibi lektorlary dáris oqyp, qatysýshylardyń fýnktsionaldyq quzyretin damytýǵa jáne biliktiligin arttyrýǵa kúsh salyp jatyr.
Osy oraida, Amanat partiiasynyń uiymdastyrý jáne aýmaqtyq jumys departamenti direktorynyń orynbasary Jandos Qaltaev oqý jumysy barysynda teoriia men tájiribege airyqsha mán beriletinin málimdedi.
Oqý barysynda tek teoriialyq materialdarmen shektelmei, tájiribege negizdelgen utymdy tásilder týraly aitamyz. Turǵyndarmen, sailaýshylarmen júieli ári tiimdi jumys isteý, óńirdiń ál-aýqatyn arttyrý, aimaqtardaǵy problemalardy sheshý máselelerine basa nazar aýdarylady, – dedi ol.
Bul rette, Tasqala aýdandyq máslihatynyń tóraǵasy, Amanat partiiasynyń múshesi Janar Bisenǵalieva modýldik oqý jumysy taqyryptaryna toqtaldy.
"Búgin Amanat partiiasy uiymdastyrǵan oqý jumysyna qatysyp otyrmyz. Aýdandyq máslihat depýtattary retinde «Jeke kóshbasshylyq jáne qundylyq baǵdarlary» jáne «Óńirlik damýdy basqarý» taqyryptaryn qamtyǵan modýlderde biliktiligimizdi arttyryp jatyrmyz. Bul – aýdan aýmaǵynda, aýyldyq okrýgtermen jumys isteý barysynda qoldanýǵa múmkindik beretin mańyzdy taqyryptar. Oqýdyń alǵashqy kúni mazmundy maǵlumattar aldyq", – dedi ol.
