Elimizde sý tasqynynan zardap shekken aimaqtarǵa Túrkistan óńirinen gýmanitarlyq kómek jiberýge oblys jurtshylyǵy belsene atsalysyp jatyr, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Máselen, Túrkistan qalasyndaǵy 1-shi móltek aýdan turǵyndary atsalysqan gýmanitarlyq qoldaý jolǵa shyqty. Ishinde generatordan bastap, aýyz sý, dári-dármek pen jyly kiimnen basqa 25 tonnadai azyq-túlik tielgen. Bul igi isti uiymdastyrýǵa halyq qalaýlysy Tájibek Musaev bastaǵan azamattar úles qosty.
Qazaqstan halqy Assambleiasynyń «Júrekten júrekke» aktsiiasy aiasynda Túrkistan oblysy QHA janyndaǵy etnomádeni birlestikter, Assambleia músheleri sý tasqynynan zardap shekken óńirlerdiń turǵyndaryna belsene kómek kórsetýde.
«Bizdiń kúshimiz – birlikte» degen ustanymdy tirek etken «Assambleia jastary» RQB Túrkistan oblystyq ókildiginiń músheleri Soltústik Qazaqstan oblysy, Petropavl qalasyna 1 júk kóligine tielgen 10 tonna kezekti gýmanitarlyq kómek kerýenin jóneltti. Júk kólikterine negizinen azyq-túlik, kórpe-tósek, sý sorǵysh nasos, qaiyq, sý kostiými jáne qurylys materialdary artylǵan. Bul oraida, óńirdegi Assambleia jastary sý tasqynynan zardap shekkenderge jalpy 6 mln teńgege kómek jiberdi.
Al Túrkistan oblysy QHA janyndaǵy ázerbaijan etnomádeni birlestigi sý tasqynynan zardap shekkenderge 2,5 mln teńgege azyq-túlik jiberdi. Jalpy búgingi kúnge deiin Túrkistan oblysy QHA janyndaǵy qurylymdar men etnomádeni birlestikter tarapynan sý basqan óńirlerge gýmanitarlyq kómek joldanyp keledi.
