Kúni keshe ǵana atalǵan baǵdarlamanyń úshinshi baǵyty sheńberinde Túrkistan oblysy, Sairam aýdanynan Soltústik óńirge qonys aýdarýǵa niet bildirgen 45 otbasy (Saryaǵash, Sairam, Báidibek aýdandary) músheleri Pavlodar men Soltústik Qazaqstan oblystarynyń tynys-tirshiligimen tanysý maqsatynda jolǵa shyqty. Olar eki oblystaǵy jaǵdaidy jan-jaqty saraptaidy. Eger usynys unasa, ol turǵyndar soltústikke kóshýi múmkin.
Qonys aýdarýǵa niet bildirip, jolǵa shyqqan turǵyndarǵa «Nur Otan» partiiasy Túrkistan oblystyq filialy tóraǵasynyń birinshi orynbasary Beisenbai Tájibaev Soltústik óńirlerge Ońtústik halqynyń qonys aýdarýynyń strategiialyq mańyzdylyǵyn, memleket tarapynan kórsetiletin qoldaýlardy atap ótip, jerlesterimizge sát-sapar tiledi.
Soltústik oblystarǵa kósh-qon baǵdarlamasy bastalǵan 5 jyldyń ishinde 20 myńdai adam kóship barǵan. Onyń 6 myńy – Túrkistan oblysynyń turǵyndary. Iaǵni 1700 otbasy qonys aýdarǵan.
Sáýir aiynyń basynda Úkimet otyrysynda Soltústik Qazaqstan oblysynyń 2025 jylǵa deiin damý baǵdarlamasy qabyldandy. Endi bul aimaqqa jalpy kólemi 2 trln teńge investitsiia salynbaq.
Aýyl sharýashylyǵy boiynsha 52 sút fermasy, 2 taýyq fabrikasy boi kóteredi. «Qyzyljar» transport haby iske qosylady. Basqa aimaqtarmen bailanysty artyryp, barys-kelisti barynsha kúsheitý úshin áýe qatynasyn aiyna 16-dan 68 reiske deiin arttyrý josparlanýda. Sonymen qatar oblystyq jańa aýrýhana, aýdandarda 47 meditsinalyq nysan, turǵyndar úshin 21 myń páter men 16 mektep salynady. Nazarbaev ýniversitetiniń negizinde jańa ýniversitet iske qosylady. Osy jospar boiynsha 26 myń jańa jumys orny ashylady dep kútilýde. Bul bastamalar "Nur Otan" partiiasynyń sailaýaldy baǵdarlamasyna engizilgen.
Soltústik óńirlerge qonys aýdarýshylarǵa memleket tarapynan jasalatyn qoldaýlar týraly aqparatty aýdandyq jumyspen qamtý ortalyqtarynan alýǵa bolady.
