Túrkistan oblysy ákimdiginde 2024 jylǵy áskerge shaqyrý naýqanyna daiyndyq máseleleri boiynsha jiyn ótti. Oblystyq shaqyrý komissiiasynyń tóraǵasy Beisen Tájibaevtyń tóraǵalyǵymen ótken basqosýǵa Jumyldyrý daiarlyǵy, aýmaqtyq qorǵanys jáne azamattyq qorǵaý basqarmasy, Túrkistan oblysynyń qorǵanys isteri jónindegi departamenti, oblystyq densaýlyq saqtaý basqarmasy, bilim basqarmasy, Túrkistan oblysy politsiia departamenti jergilikti politsiia qyzmetiniń orynbasarlary men TJD, Ulttyq ulan, Shekara qyzmetiniń ókilderi jáne beine-selektorlyq bailanys arqyly aýdan, qala ákimderiniń orynbasarlary qatysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kún tártibinde kóktemgi áskerge shaqyrý naýqanyna daiyndyq jumystarynyń barysy, jastardy áskeri-patriottyq baǵytta tárbieleý jumysynyń tiimdiligi jáne aldaǵy josparlar talqylandy. Qarýly kúshter men basqa da áskeri quralymdardyń ókilderi óz bólimderine áskerge shaqyrylýshylardy irikteý tártibi men olardy jasaqtaý máseleleri týraly baiandady. Jumysty nashar uiymdastyrǵan aýdan, qalalardaǵy jaýapty tulǵalarǵa tiisti tapsyrmalar berildi. Túrkistan oblysynda 2024 jylǵy kóktemgi áskerge shaqyrý naýqanyna azamattardy irikteý jáne aldyn-ala zerdeleý boiynsha jumystar júrgizilip jatqany aityldy. Áskeri boryshyn óteýden jaltaryp júrgen jastar máselesi de sóz boldy.
– Jastardy májbúrlep jibermei, olardy Otan aldyndaǵy boryshyn óteýge qyzyqtyryp, áskeri ómirdiń ózindik erekshelikteri týraly kóbirek nasihattaýymyz kerek. Osyǵan bailanysty óz taraptaryńyzdan naqty is-sharalar josparyn jasańyzdar. Keibir jastardyń Qarýly kúshter qataryna barǵysy kelmeýiniń sebebin anyqtaý úshin zertteý jumystary ne sebepti baiaý júrgizilýde? Oblystaǵy mektepterde «Jas sarbaz» áskeri úiirme synyptaryn ashýdy qolǵa alǵan jón. Biyl óńirde áskeri-patriottyq baǵyttaǵy is-sharalar sanyn kóbeitýdi qolǵa alyp, úgit-nasihat jumystaryn jandandyrý kerek. Barlyq aýdan-qalada áskeri-patriottyq jáne de áskeri eriktiler klýbyn qurý qajet, – dedi oblys ákiminiń orynbasary Beisen Tájibaev.
Óz kezeginde Túrkistan oblysy qorǵanys isteri jónindegi departamentiniń bastyǵy, polkovnik Nurmahanbet Diýsebaev áskerge shaqyrý boiynsha óz usynystary men oilaryn jetkizdi.
«Azamattardy merzimdi áskeri qyzmetke shaqyrýdyń negizgi mindeti – Qarýly kúshterdi jas sarbazdarmen sapaly jáne ýaqtyly tolyqtyrý. Bul jumys úzdiksiz júredi», dedi ol.
Jiynda óńirde jumyssyz júrgen jastardy múmkindiginshe áskerge baýlý maqsatynda jumystar qolǵa alynǵany aityldy. Jastardy áskeri oqýǵa jiberý boiynsha jumystar júrgiziletini sóz boldy. Sonymen qosa jastardy otanshyldyqqa, áskeri baǵytta tárbieleý, memlekettik organdardyń azamattardy merzimdi áskeri qyzmetke shaqyrýdy uiymdastyrý jáne ótkizý jumystaryna qatysty máseleler qozǵaldy.
Jiynda jaýapty tulǵalarǵa áskeri qyzmetke shaqyrý barysyn qadaǵalaýdy kúsheitý jáne azamattardyń shaqyrý komissiiasynyń otyrystaryna kelýin qamtamasyz etý úshin barlyq sharalardy qabyldaý tapsyryldy.
Aita keteiik, ótken jyly Túrkistan oblysynan 4500-ge jýyq azamat áskerge attandy. Biyl da óńirden 4500 jasty áskerge jiberý josparlanyp otyr. Onyń ishinde 2255 jas kóktegi maýsymda bolsa, 2245 jas kúzdik maýsymda jóneltiledi dep kútilýde. Osy baǵytta daiyndyq jumystary qarqyndy júrgizilip jatyr.
