Túrkistan oblysynda 2025 jyldyń qyrkúiek aiynan bastap 31 jeltoqsany aralyǵynda shamamen 2500-ge jýyq azamat óz boryshyn óteý úshin áskeri qyzmetke jiberiledi. Olar QR Qorǵanys ministrliginiń Qarýly kúshterinde, QR Ulttyq qaýipsizdik komitetiniń Shekara qyzmetinde, QR Ulttyq ulanynda, QR Memlekettik kúzet qyzmetinde jáne QR Tótenshe jaǵdailar ministrliginde áskeri boryshyn óteýge attanady. Bul týraly ótken brifingte Túrkistan oblysynyń Qorǵanys isteri jónindegi departamenti bastyǵynyń orynbasary Jandos Kúlderbaev málimdedi,- dep habarlaidy Dalanews.kz
"2025 jylǵy kúzgi shaqyrý naýqanyna Túrkistan oblysynan QR Qarýly Kúshterine – 1000-ǵa jýyq sarbaz, QR Ulttyq qaýipsizdik komitetiniń Shekara qyzmetine – 350-den astam jas, QR Memlekettik kúzet qyzmetine – 35 sarbaz, QR Ulttyq ulanyna – 900-den asa adam, QR Tótenshe jaǵdailar ministrliginiń qurylymdaryna – 30 azamat jiberiledi. Biylǵy jyldyń shilde jáne tamyz ailarynan bastap shaqyrylýshylarmen aldyn ala zerdeleý jumystary júrgizildi. Árbir shaqyrylýshynyń densaýlyǵy, bilimi jáne moraldyq-psihologiialyq jaǵdaiy eskerilip, olar Qarýly Kúshterdiń, basqa da áskerler men áskeri qurylymdardyń qajettilikterine qarai taǵaiyndaldy"-dedi sala mamany.
Sondai-aq, QR UQK Túrkistan oblysy departamentiniń aǵa ofitseri Erbolat Bazarqulov Otan aldynda boryshyn ótegen azamattarǵa áskerden keiin memleket tarapynan kórsetiletin qoldaýlar týraly baiandady.
"Elimizdiń azamattary áskeri qyzmetten keiin eki jyl ishinde UBT nátijesinsiz áńgimelesý arqyly aqyly negizde JOO-ǵa túsý múmkindigi bar. Úzdik áskeri qyzmetshilerge memlekettik grant negizinde tegin joǵary bilim alý múmkindigi qarastyrylǵan. Emtihansyz grant negizinde JOO-nyń áskeri kafedrasyna túsý, sonymen qatar úzdik áskeri qyzmetshilerge QR Qorǵanys ministrliginiń áskeri oqý oryndaryna UBT nátijesinsiz túsý múmkindigi berilgen. Áskerge shaqyrý naýqany ashyq formatta júrgiziledi. Qajetti aqparat alý úshin árbir azamat qorǵanys isteri jónindegi departamentke, basqarmalar men bólimderge júgine alady"-dep atap ótti spiker.
