Túrkistan oblysynda ótken jyldarmen salystyrǵanda soltústikke kóshýge niet bildirgen otbasylardyń qatary 3 esege deiin ulǵaiǵan.
Memlekettik baǵdarlamanyń tiimdiligin túsindirý úshin Pavlodar oblysynan Túrkistan oblysyna 3 jumysshy top keldi. Delegatsiia ókilderi soltústik óńirlerge qonys aýdarý máselesi boiynsha aqpan aiynyń 14-18 kúnderi aralyǵynda ashyq esik kúnin ótkizedi.
Kezdesýde memlekettik qoldaý sharttary jáne bos jumys oryndary boiynsha túsindirme jumystary júrgizilmek.
Aita keteiik, ońtústikten soltústikke qonys aýdarǵan azamattarǵa qoldaý kóp. Máselen, kóship kelgen jaǵdaida ár adamǵa 70 AEK (214 410 teńge) kóleminde birrettik qarjy usynylady. Turǵyn úi máselesin sheshý úshin árbir januiaǵa otbasynyń quramyna bailanysty 15-ten 30 AEK-ke deiingi (45 945 teńgeden - 91 890 teńgege deiin) mólsherde sýbsidiialar qarastyrylǵan.
