تۇركىستان وبلىسىندا وتكەن جىلدارمەن سالىستىرعاندا سولتۇستىككە كوشۋگە نيەت بىلدىرگەن وتباسىلاردىڭ قاتارى 3 ەسەگە دەيىن ۇلعايعان.
مەملەكەتتىك باعدارلامانىڭ تيىمدىلىگىن ءتۇسىندىرۋ ءۇشىن پاۆلودار وبلىسىنان تۇركىستان وبلىسىنا 3 جۇمىسشى توپ كەلدى. دەلەگاسيا وكىلدەرى سولتۇستىك وڭىرلەرگە قونىس اۋدارۋ ماسەلەسى بويىنشا اقپان ايىنىڭ 14-18 كۇندەرى ارالىعىندا اشىق ەسىك كۇنىن وتكىزەدى.
كەزدەسۋدە مەملەكەتتىك قولداۋ شارتتارى جانە بوس جۇمىس ورىندارى بويىنشا تۇسىندىرمە جۇمىستارى جۇرگىزىلمەك.
ايتا كەتەيىك، وڭتۇستىكتەن سولتۇستىككە قونىس اۋدارعان ازاماتتارعا قولداۋ كوپ. ماسەلەن، كوشىپ كەلگەن جاعدايدا ءار ادامعا 70 اەك (214 410 تەڭگە) كولەمىندە بىررەتتىك قارجى ۇسىنىلادى. تۇرعىن ءۇي ماسەلەسىن شەشۋ ءۇشىن ءاربىر جانۇياعا وتباسىنىڭ قۇرامىنا بايلانىستى 15-تەن 30 اەك-كە دەيىنگى (45 945 تەڭگەدەن - 91 890 تەڭگەگە دەيىن) مولشەردە سۋبسيديالار قاراستىرىلعان.
