– Túrkistan óńirinde 26 kómir qabyldaityn temir jol tuiyqtary, 21 kómir tasymaldaityn mekeme bar.
Oblys ákiminiń tapsyrmasyna sáikes, aýdan, qala ákimdikteri óz eldi mekenderinde ornalasqan temir jol tuiyǵy nemese baza, sklad, qoimalarǵa halyqty turaqty kómirmen qamtamasyz etý úshin kómir jetkizýshi, satýshylarmen tiisti jumystar atqarýda.
Reidtik is-sharalary turaqty túrde júrgizilýde. QR Indýstriia jáne infraqurylymdyq damý ministrligi, «QTJ» jáne ken oryndarymen birge kelissózder ótkizip, Túrkistan oblysyna kómir jetkizýdi ulǵaitý jóninde kelisimge keldik.
Kómirdi jetkizý 60-70 vagonnan birneshe baǵyttar boiynsha júzege asyrylady, negizgi bóligi jylyjailarǵa Saryaǵash aýdanyna jóneltilip jatyr. Kómir tapshylyǵy joq, – dedi Arman Sháripbaiuly.
Sonymen qatar oblys ákiminiń birinshi orynbasary óz sózinde Qazaqstan Respýblikasynyń Premer-Ministri Álihan Smaiylov ishki naryqty ásirese shalǵaidaǵy eldi mekenderdi kómirmen qamtamasyz etý máseleleri boiynsha keńes ótkizgenin atap ótti.
– Óńirlik operatorlardyń kómirdi jetkizý jónindegi qyzmetin taldaýdy jáne deldaldarsyz áleýmettik obektilermen halyqqa ken oryndarynan tikelei kómirdi jetkizýdiń jańa tetigin pysyqtaýdy tapsyrdy. Bul baǵytta jumys júredi. Jylytý maýsymynyń barysy jáne kómir máselesi turaqty baqylaýda. Keibir aimaqtarda anyqtalǵan kemshilikter boiynsha jumys júrgizilip, kómir qoryn jetkizý jáne jylytý maýsymy turaqty baqylaýǵa alynǵan, – dedi A. Jetpisbai.
