– تۇركىستان وڭىرىندە 26 كومىر قابىلدايتىن تەمىر جول تۇيىقتارى، 21 كومىر تاسىمالدايتىن مەكەمە بار.
وبلىس اكىمىنىڭ تاپسىرماسىنا سايكەس، اۋدان، قالا اكىمدىكتەرى ءوز ەلدى مەكەندەرىندە ورنالاسقان تەمىر جول تۇيىعى نەمەسە بازا، سكلاد، قويمالارعا حالىقتى تۇراقتى كومىرمەن قامتاماسىز ەتۋ ءۇشىن كومىر جەتكىزۋشى، ساتۋشىلارمەن ءتيىستى جۇمىستار اتقارۋدا.
رەيدتىك ءىس-شارالارى تۇراقتى تۇردە جۇرگىزىلۋدە. ق ر يندۋستريا جانە ينفراقۇرىلىمدىق دامۋ مينيسترلىگى، «قتج» جانە كەن ورىندارىمەن بىرگە كەلىسسوزدەر وتكىزىپ، تۇركىستان وبلىسىنا كومىر جەتكىزۋدى ۇلعايتۋ جونىندە كەلىسىمگە كەلدىك.
كومىردى جەتكىزۋ 60-70 ۆاگوننان بىرنەشە باعىتتار بويىنشا جۇزەگە اسىرىلادى، نەگىزگى بولىگى جىلىجايلارعا سارىاعاش اۋدانىنا جونەلتىلىپ جاتىر. كومىر تاپشىلىعى جوق، – دەدى ارمان ءشارىپباي ۇلى.
سونىمەن قاتار وبلىس اكىمىنىڭ ءبىرىنشى ورىنباسارى ءوز سوزىندە قازاقستان رەسپۋبليكاسىنىڭ پرەمەر-مينيسترى ءاليحان سمايىلوۆ ىشكى نارىقتى اسىرەسە شالعايداعى ەلدى مەكەندەردى كومىرمەن قامتاماسىز ەتۋ ماسەلەلەرى بويىنشا كەڭەس وتكىزگەنىن اتاپ ءوتتى.
– وڭىرلىك وپەراتورلاردىڭ كومىردى جەتكىزۋ جونىندەگى قىزمەتىن تالداۋدى جانە دەلدالدارسىز الەۋمەتتىك وبەكتىلەرمەن حالىققا كەن ورىندارىنان تىكەلەي كومىردى جەتكىزۋدىڭ جاڭا تەتىگىن پىسىقتاۋدى تاپسىردى. بۇل باعىتتا جۇمىس جۇرەدى. جىلىتۋ ماۋسىمىنىڭ بارىسى جانە كومىر ماسەلەسى تۇراقتى باقىلاۋدا. كەيبىر ايماقتاردا انىقتالعان كەمشىلىكتەر بويىنشا جۇمىس جۇرگىزىلىپ، كومىر قورىن جەتكىزۋ جانە جىلىتۋ ماۋسىمى تۇراقتى باقىلاۋعا الىنعان، – دەدى ا. جەتپىسباي.
