Túrkistan oblysyna 970 mlrd teńgeden astam investitsiia tartylǵan. Bul týraly búgin Óńirlik kommýnikatsiialar qyzmetinde ótken brifingte QR Strategiialyq josparlaý jáne reformalar agenttigi Ulttyq statistika biýrosynyń Túrkistan oblysy boiynsha departamenti basshysynyń orynbasary Nurqoja Bekjanov aitty, – dep habarlaidy Dalanews.kz.
Onyń aitýynsha, 2023 jyldyń qańtar-qyrkúiek ailarynda Túrkistan oblysynyń jalpy óńirlik ónim kólemi 2 trln 699 mlrd teńgeni quraǵan.
– Ótken jyldyń qańtar-jeltoqsan ailaryndaǵy kórsetkish boiynsha oblysta negizgi kapitalǵa salynǵan investitsiialar kólemi – 972 mlrd 31,8 mln teńgeni qurap, 2022 jylmen salystyrǵanda 26,1%-ǵa artqan. Sonymen qatar, jeke investitsiialardyń úlesi – 72,5%. Iaǵni eń basym sektorlar - ónerkásip jáne jyljymaityn múlik salalarynda.
Sondai-aq, biýdjettik investitsiialardyń úlesi – 27,5%. Olar infraqurylym nysandaryn damytýǵa, jyljymaityn múlik salasyna, ákimshilik jáne qosalqy qyzmet kórsetý salasyndaǵy qyzmetke baǵyttalǵan, – dedi Nurqoja Ermekuly.
Ekonomikanyń damýyna bailanysty jáne halyqtyń jaǵdaiyn jaqsartý maqsatynda jyl saiyn jyljymaityn múlikpen jasalatyn operatsiialarǵa investitsiialar ulǵaiýda. Osylaisha, 2023 jyldyń qańtar-jeltoqsan ailarynda bul salada negizgi kapitalǵa baǵyttalǵan investitsiialar 4,3%-ǵa artyp 156 mlrd 268,6 mln. teńgeni quraǵan.
Budan bólek, 2023 jyldyń qańtar-qarasha ailarynda Túrkistan oblysynyń Eýraziialyq ekonomikalyq odaq elderimen ózara saýda ainalymynyń kólemi 735,1 mln AQSh dollaryn qurap, 2022 jylmen salystyrǵanda 32,1% ósken. Onyń ishinde eksport – 622,8 mln AQSh dollary, import – 112,3 mln AQSh dollary.
