– Aýyl-aimaq turǵyndarynyń ómir súrýine qolaily jaǵdai jasap, infraqurylymdy jaqsartý baǵytynda birqatar jobalar qolǵa alyndy. Jol jóndeý, aýyz sý jáne tabiǵi gazben qamtý jumystary kezeń-kezeńimen atqarylýda.
Mine, búgin taǵy bir aýyl «kógildir otynǵa» qol jetkizip otyr. Qutty bolsyn! Endigi kezekte turǵyndardy kásipkerlikke tartýǵa kúsh salǵan jón. «Aýyl amanaty» jobasy arqyly da qoldaý bar. Bos jatqan jerdi tiimdi paidalanyp, túrli jobalardy júzege asyrý kerek, – dedi Darhan Satybaldy.
Aýyl aqsaqaldary igi jańalyqqa rizashylyqtaryn bildirip, el azamattaryna batalaryn berdi.
Atalǵan eldi mekendi gazben jabdyqtaý júiesiniń qurylysy 2021 jyly bastaldy. Merdiger mekeme – «Jylýenergoremont» JShS. Qashyqtyǵy 17,184 shaqyrym bolatyn gaz qubyrynyń qurylysyna respýblikalyq biýdjetten 192,88 mln teńge bólindi. Abonent sany – 113.
Demeýshiler qarajaty esebinen az qamtylǵan otbasynyń baspanasyna montajdaý jáne qujattaryn zańdastyrý jumystary da qosa júrýde.
Aita keteiik, Otyrar aýdanyn tabiǵi gazben qamtamasyz etý maqsatynda 2014-2017 jyldary avtomattandyrylǵan gaz taratý stantsiiasy (AGTS) salynyp, Sháýildir eldi mekenine deiin 51,4 shaqyrym gaz qubyry tartyldy. Avtomattandyrylǵan gaz taratý stantsiiasy arqyly 34 eldi meken (halyq sany-51426) tabiǵi gazben qamtamasyz etiledi. 2022 jyly 13 eldi mekenniń gaz qurylysy aiaqtalǵan. Onyń ishinde, 12 eldi meken (halyq sany – 20759) aýdan halqynyń 40,2 paiyzy tabiǵi gazǵa qosyldy.
2023 jyly 9 eldi mekenge tabiǵi gaz berilgen jaǵdaida jalpy 16223 halyq qosymsha tabiǵi gazǵa qosylyp, aýdan halqynyń 72 %-y tabiǵi gazǵa qosylýǵa qol jetkizedi. Olar: Temir, Arys, M.Shoimanov, Qarǵaly, Kókmardan, Shytty, Sarykól, Syrdariia, Otyrar.
Syrdariia ózeniniń batys bóliginde ornalasqan 12 eldi mekenge (Aqqum, Jankel, Kóksarai, Yzakól, Sheńgeldi, Qosterek, Bestam, Maiaqum, Úshtam, Kólqudyq, Baltakól, Aqkól) gaz jetkizý maqsatynda 13 jobaǵa jobalyq-smetalyq qujat ázirlenýde. Atalǵan jobalar iske asyrylǵan jaǵdaida 15302 halyq tabiǵi gazben qamtylyp, aýdannyń tabiǵi gazben qamtylý kórsetkishi 99 quraidy dep kútilip otyr.
