6 qazan – búkil Qazaqstan boiynsha Referendým ótedi. Osyǵan orai, Qazaqstan Respýblikasy Ortalyq referendým komissiiasynyń hatshysy Muhtar Erman Túrkistan oblysyna issaparmen kelip, Oqýshylar saraiyndaǵy referendým ýchaskesiniń jumysymen tanysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Odan bólek, is-sapar barysynda Túrkistan qalasyndaǵy «Uly Dala eli» ortalyǵynda «Respýblikalyq referendýmdy daiyndaý men ótkizý máseleleri» taqyrybynda keńes ótkizip, referendýmǵa daiyndyq jóninde tiisti memlekettik organdardyń basshylarynyń esebin tyndady. Keńeste Túrkistan oblysy ákimi apparatynyń basshysy Erkeǵali Álimqulov moderatorlyq etti.
Jiyn barysynda Túrkistan oblysy boiynsha Aimaqtyq referendým komissiiasynyń tóraǵasy Ańsar Óserbaev óńirdegi daiyndyq jumystary týraly baiandady.
– Búginde referendým ýchaskeleri referendým ótkizýge daiyn. Ýchaskeler qajetti qural-jabdyqtarmen, materialdyq-tehnikalyq jaǵynan tolyq qamtamasyz etilgen. Sailaýshylarǵa shaqyrý biletteri, esepten shyǵarý talondary ázirlengen. Múgedektigi bar azamattardyń daýys berýine yńǵaily bolý úshin kabinalary jańartyldy, sailaýshylardy habardar etý maqsatyndaǵy qaǵazdar, respýblikalyq referendým zańy jazylǵan paraqtar, sailaý boiynsha erejeler jazylǵan paraqshalar taratylýda, – dedi Ańsar Óserbaev.
