Túrkistan oblysyn sý basý qaýipi joq
Óńirdegi sý qoimalary men ózenderdiń sý rejimine kúndelikti monitoring júrgizilýde. Jalpy oblys boiynsha sý qoimalardyń ortasha tolýy 40-45 paiyzdy quraidy. Tasqyn sýlardy qabyldaýǵa jetkilikti qorlar bar, al ózenderdegi sýdyń ótýi orta deńgeiden tómen.
Sonymen qatar, aimaqtaǵy tasqyn qaýpi jaǵdaiyn anyqtaý maqsatynda taýdaǵy muzdyq kólderdiń jáne qar qorynyń jaǵdaiyna aerovizýaldy jáne jer ústi zerdeleý jumystary uiymdastyryldy. Zertteýler nátijesinde biyl ótken jylmen salystyrǵanda qardyń túsýi 13 paiyzǵa tómen ekeni anyqtalǵan.
Odan bólek, Tótenshe jaǵdailar departamenti turǵyn úilerdiń órt qaýipsizdigin jáne turǵyndardyń ýly gazdan ýlanýdyń aldyn alý maqsatyda da birqatar jumystar atqarýda. Jyl basynan beri aptanyń ár senbisi oblys aýmaǵynda «Turǵyn úide órt qaýipsizdigi» kúni bolyp belgilendi. Osy kúni departament garnizonynyń barlyq jeke quramy qala, aýyl, eldi mekenderdegi turǵyn úilerdi aralap ýly gazdan ýlanýdyń aldyn alý jáne órt qaýipsizdigin túsindirý jumystaryn júrgizýde.
2018-2019 jylǵy jylytý maýsymy bastalǵaly mamandar 76 myńnan astam turǵyn úidi aralap, 302 myńǵa jýyq adamǵa túsindirý jumystaryn júrgizgen. Sonymen qatar, buqaralyq aqparat quraldarynan arnaiy beinerolikter kórsetilip, qaýipsizdik sharalary eskertilýde.
Túrkistan oblysy ákiminiń baspasóz qyzmeti
