Májilis depýtaty Qainar Abasov oblystyń aýdandary men qalalaryn, eldi mekenderin aralap shyqqanyn, Jol kartasynyń oryndalý barysyn zerdelegenin málimdedi. Baǵdarlamany oryndaýǵa keri áserin tigizip otyrǵan faktorlar da nazarǵa alynyp, jumys júrgiziletinin jetkizdi. Qazirgi tańda Túrkistan oblysynyń árbir aýdan, qalasy jáne oblystyq deńgei boiynsha 17 Jol kartasy ázirlenip, júzege asyrylyp jatyr. Nysandardyń salynýy, infraqurlymynyń damýy, ol jumystardyń biýdjetke engizilýi – partiia qadaǵalaýynda.
Kún tártibindegi ekinshi másele boiynsha «Qazsýshar» sharýashylyq quqyǵyndaǵy» RMK Túrkistan oblystyq filialy direktory Merlan Kerimjanovtyń baiandamasy tyńdaldy. Ol aǵyn sý máselesin sheshý baǵytyndaǵy jumystarǵa toqtalyp, óńirde sýdy únemdeitin tehnologiialardy engizýdiń mańyzdy ekenin aitty.
– Túrkistan oblysy – sýarmaly eginshiligi damyǵan, alaida sý resýrstary tapshy aimaq. Oblystyń aýdandarynyń negizgi sýarmaly jerleri transshekaralyq ózenderdiń aǵyn sýyna táýeldi. Transshekaralyq Shyrshyq, Syrdariia ózenderinen alynatyn sý jyl saiyn der kezinde jáne tolyq mólsherde alynbai keledi. Barlyq memleketaralyq kanaldar boiynsha sý belgilengen jyldyq josparǵa sai kelmegen. Sońǵy bes jylda Zah, Hanym, Úlken Keles kanaldarynan naqty alynǵan sý mólsheri belgilengen limittiń ortasha eseppen 69 paiyzyn qurady, – degen ol osy jáne qýańshylyqqa qaramastan «Qazsýsharǵa» tiesili aýmaqtarda qarqyndy jumys júrip jatqanyn atap ótti.
Kezdesý barysyndaǵy usynystar men talap-tilekter hattamaǵa engizilip, oblystyq deńgeidegileri oblystyq máslihat arqyly júielenedi. Al respýblikalyq degeidegi máseleler Parlament minberinde kóteriledi.
QR Parlamenti Májilisiniń depýtattary Qainar Abasov pen Syrym Ertaev Túrkistan oblysynyń barlyq derlik aýdan, qalalaryn aralap, jurtshylyqtyń usynys-tilekterin tyńdady. Aldaǵy ýaqytta Túrkistan óńirinen sailanǵan ózge depýtattar da sailaýshylarmen kezdesedi.
