Túrkistan oblysynyń 90 paiyzǵa jýyq halqy tabiǵi gazben qamtylǵan. 2024 jyldyń qorytyndysymen respýblika halqynyń ortasha gazben qamtylý kórsetkishi 62,4% quraǵan. Onyń ishinde, Túrkistan oblysy halqynyń 85,5% nemese 563 eldi mekenniń 69,7%-y tabiǵi gazǵa qosylyp, qamtý kórsetkishi boiynsha respýblikada 8-orynǵa jaiǵasqan.
Ótken jyly biýdjetten 27,3 mlrd teńge bólinip, 115 nysan qurylysy iske asyryldy. Onyń ishinde, 70 nysan qurylysy aiaqtalsa, 45-i 2025 jylǵa ótpeli. Biylǵy josparǵa sáikes, 64 nysanǵa 9,7 mlrd teńge qaralyp, 34 eldi mekendegi 38 nysan qurylysy aiaqtalmaq.
Sondai-aq, 2026 jylǵa ótpeli 26 nysanǵa 23,5 mlrd teńge qarjy qarastyrý jumystary júrgizilýde.
Energetika ministrligi arqyly «Samuryq-Qazyna» qory esebinen oblysqa 9,4 mlrd teńge qarjy bólý josparlanýda. Qajetti qarjy bólingen jaǵdaida, jyl qorytyndysymen 45 eldi mekendegi, iaǵni 84 myń halyq tabiǵi gazǵa qosylady.
Nátijesinde 89,4% oblys turǵyny tabiǵi kógildir otynmen qamtylmaq. Sonymen qatar, quny 25,7 mlrd teńgeni quraityn 45 nysan respýblikalyq biýdjettiń kezekti naqtylaýyna usynylǵan.
