تۇركىستان وبلىسىنىڭ 90 پايىزعا جۋىق حالقى تابيعي گازبەن قامتىلعان. 2024 جىلدىڭ قورىتىندىسىمەن رەسپۋبليكا حالقىنىڭ ورتاشا گازبەن قامتىلۋ كورسەتكىشى 62،4% قۇراعان. ونىڭ ىشىندە، تۇركىستان وبلىسى حالقىنىڭ 85،5% نەمەسە 563 ەلدى مەكەننىڭ 69،7%-ى تابيعي گازعا قوسىلىپ، قامتۋ كورسەتكىشى بويىنشا رەسپۋبليكادا 8-ورىنعا جايعاسقان.

وتكەن جىلى بيۋدجەتتەن 27،3 ملرد تەڭگە ءبولىنىپ، 115 نىسان قۇرىلىسى ىسكە اسىرىلدى. ونىڭ ىشىندە، 70 نىسان قۇرىلىسى اياقتالسا، 45ء-ى 2025 جىلعا وتپەلى. بيىلعى جوسپارعا سايكەس، 64 نىسانعا 9،7 ملرد تەڭگە قارالىپ، 34 ەلدى مەكەندەگى 38 نىسان قۇرىلىسى اياقتالماق.

سونداي-اق، 2026 جىلعا وتپەلى 26 نىسانعا 23،5 ملرد تەڭگە قارجى قاراستىرۋ جۇمىستارى جۇرگىزىلۋدە.

ەنەرگەتيكا مينيسترلىگى ارقىلى «سامۇرىق-قازىنا» قورى ەسەبىنەن وبلىسقا 9،4 ملرد تەڭگە قارجى ءبولۋ جوسپارلانۋدا. قاجەتتى قارجى بولىنگەن جاعدايدا، جىل قورىتىندىسىمەن 45 ەلدى مەكەندەگى، ياعني 84 مىڭ حالىق تابيعي گازعا قوسىلادى.

ناتيجەسىندە 89،4% وبلىس تۇرعىنى تابيعي كوگىلدىر وتىنمەن قامتىلماق.  سونىمەن قاتار، قۇنى 25،7 ملرد تەڭگەنى قۇرايتىن 45 نىسان رەسپۋبليكالىق بيۋدجەتتىڭ كەزەكتى ناقتىلاۋىنا ۇسىنىلعان.