Túrkistan oblysynyń ákimi Darhan Satybaldy bastaǵan delegatsiia jumys saparymen arnaiy Tatarstan Respýblikasyna keldi. Negizgi maqsat – ekijaqty bailanystardy nyǵaitý, seriktestik qatynastardy keńeitý, yntymaqtastyqty damytý, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysynyń ákimi Darhan Satybaldy Tatarstan Respýblikasynyń Raisy Rýstam Minnihanovpen mańyzdy kelissózder júrgizdi. Kezdesýde baýyrlas elder arasynda saýda-ekonomikalyq bailanysty nyǵaitý, investitsiia tartý, aýyl sharýashylyǵy men IT salasynda tájiribe almasý jáne ózge de máselelerdi talqylandy. Ortaq jobalardy júzege asyrý týraly aityldy.
Oblys ákimi Qazan qalasynda Tatarstan Respýblikasy Raisynyń qatysýymen ótken «BRIKS+» elderi qalalarynyń halyqaralyq forýmynda óńirdiń investitsiialyq múmkindikterin tanystyrdy. Baýyrlastyq qatynas ornatý týraly ózara seriktestik memorandýmyna qol qoiyldy. Qazaqstan men Tatarstannyń baýyrlas halyqtary áleýmettik-ekonomikalyq damýdyń kóptegen salasynda tabysty yntymaqtasady.
Sapar aiasynda ózara áriptestikti nyǵaitý jóninde kelisimge qol jetkizildi. Qazaqstandyq delegatsiiaǵa qurmet kórsetip, meimandostyq tanytty. Oblys ákimi eki el arasyndaǵy yntymaqtastyq áleýmettik-ekonomikalyq damýǵa serpin beretinin aityp, kórsetilgen qonaqjailyq úshin alǵysyn bildirdi.
Tatarstanǵa sapary barysynda Darhan Satybaldy Qazandaǵy áigili «Kýl Sharif» meshitinde boldy. Odan keiin «Ak Bars» sport kesheninde balýandar básekesin tamashalady.
Sondai-aq búgin óńir basshysy Tatarstan Respýblikasyndaǵy tehnikalyq-engizý úlgisindegi erekshe ekonomikalyq aimaq pen ónerkásip ortalyqtaryna, "Himgrad" tehnopolisi-zamanaýi indýstrialdy himiialyq parkine, aqparattyq tehnologiialar jáne robototehnika salasyndaǵy bilim berý, zertteýler men ázirlemelerge mamandanǵan Innopolis ýniversitetine barý josparlanǵan. Sonymen qatar Túrkistan oblysynyń ákimi Darhan Satybaldy jergilikti investorlarmen kezdesip, Túrkistan óńiriniń áleýetimen tanystyrady.
