تۇركىستان وبلىسىنىڭ اكىمى دارحان ساتىبالدى باستاعان دەلەگاسيا جۇمىس ساپارىمەن ارنايى تاتارستان رەسپۋبليكاسىنا كەلدى. نەگىزگى ماقسات – ەكىجاقتى بايلانىستاردى نىعايتۋ، سەرىكتەستىك قاتىناستاردى كەڭەيتۋ، ىنتىماقتاستىقتى دامىتۋ، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
تۇركىستان وبلىسىنىڭ اكىمى دارحان ساتىبالدى تاتارستان رەسپۋبليكاسىنىڭ رايسى رۋستام ميننيحانوۆپەن ماڭىزدى كەلىسسوزدەر جۇرگىزدى. كەزدەسۋدە باۋىرلاس ەلدەر اراسىندا ساۋدا-ەكونوميكالىق بايلانىستى نىعايتۋ، ينۆەستيسيا تارتۋ، اۋىل شارۋاشىلىعى مەن ءىت سالاسىندا تاجىريبە الماسۋ جانە وزگە دە ماسەلەلەردى تالقىلاندى. ورتاق جوبالاردى جۇزەگە اسىرۋ تۋرالى ايتىلدى.
وبلىس اكىمى قازان قالاسىندا تاتارستان رەسپۋبليكاسى رايسىنىڭ قاتىسۋىمەن وتكەن «بريكس+» ەلدەرى قالالارىنىڭ حالىقارالىق فورۋمىندا ءوڭىردىڭ ينۆەستيسيالىق مۇمكىندىكتەرىن تانىستىردى. باۋىرلاستىق قاتىناس ورناتۋ تۋرالى ءوزارا سەرىكتەستىك مەموراندۋمىنا قول قويىلدى. قازاقستان مەن تاتارستاننىڭ باۋىرلاس حالىقتارى الەۋمەتتىك-ەكونوميكالىق دامۋدىڭ كوپتەگەن سالاسىندا تابىستى ىنتىماقتاسادى.
ساپار اياسىندا ءوزارا ارىپتەستىكتى نىعايتۋ جونىندە كەلىسىمگە قول جەتكىزىلدى. قازاقستاندىق دەلەگاسياعا قۇرمەت كورسەتىپ، مەيماندوستىق تانىتتى. وبلىس اكىمى ەكى ەل اراسىنداعى ىنتىماقتاستىق الەۋمەتتىك-ەكونوميكالىق دامۋعا سەرپىن بەرەتىنىن ايتىپ، كورسەتىلگەن قوناقجايلىق ءۇشىن العىسىن ءبىلدىردى.
تاتارستانعا ساپارى بارىسىندا دارحان ساتىبالدى قازانداعى ايگىلى «كۋل شاريف» مەشىتىندە بولدى. ودان كەيىن «اك بارس» سپورت كەشەنىندە بالۋاندار باسەكەسىن تاماشالادى.
سونداي-اق بۇگىن ءوڭىر باسشىسى تاتارستان رەسپۋبليكاسىنداعى تەحنيكالىق-ەنگىزۋ ۇلگىسىندەگى ەرەكشە ەكونوميكالىق ايماق پەن ونەركاسىپ ورتالىقتارىنا، "حيمگراد" تەحنوپوليسى-زاماناۋي يندۋستريالدى حيميالىق پاركىنە، اقپاراتتىق تەحنولوگيالار جانە روبوتوتەحنيكا سالاسىنداعى ءبىلىم بەرۋ، زەرتتەۋلەر مەن ازىرلەمەلەرگە ماماندانعان يننوپوليس ۋنيۆەرسيتەتىنە بارۋ جوسپارلانعان. سونىمەن قاتار تۇركىستان وبلىسىنىڭ اكىمى دارحان ساتىبالدى جەرگىلىكتى ينۆەستورلارمەن كەزدەسىپ، تۇركىستان ءوڭىرىنىڭ الەۋەتىمەن تانىستىرادى.
