Memleket basshysy Qasym-Jomart Toqaev sý basqan aimaqtarǵa jan-jaqty qoldaý kórsetý, tehnika, jumys kúshin jiberý jóninde tapsyrma bergen bolatyn. Osy baǵytta Túrkistan óńirinde aýqymdy jumys júrip jatyr. Oblys ákimi Darhan Satybaldynyń tapsyrmasymen jaýapty basqarmalar kerekti tehnikalardy úilestirip, Atyraý oblysyna 160-qa jýyq tehnika joldandy.
Atalǵan tehnikalar Darbaza, Túrkistan, Mankent, Arys stantsiialarynda vagondarǵa (platforma) tielip, Atyraý stantsiiasyna «QTJ» UK-nyń belgilengen kestege sáikes jetkizilip jatyr. Tehnikalardy artý jumystary 11 sáýirde júrgizildi.
119 tehnikany oblystaǵy qurylys kompaniialary, «Turan sý» mekemesi usyndy. Kásipkerler osy áreketi arqyly Atyraý halqyna qoldaý kórsetti.
Sonymen birge «Qazatomónerkásip» kompaniiasy, «Qazavtojol» mekemesi atynan da aýyr kólikter jiberildi. Arnaiy júk artqysh jáne júk tasymaldaityn, jer qazatyn kólikter jáne ózge de tehnikalar sý shaiǵan aýmaqtardy tazalaýǵa jáne bógetter salýǵa qoldanylmaq.
Aita keteiik, Túrkistan oblysynan sý basqan óńirlerge 600 tonnaǵa jýyq gýmanitarlyq kómek jiberildi. El janashyrlyqpen úles qosýda. Sondai-aq 150-den astam kásibi qutqarýshy men tótenshe jaǵdai qyzmetkerleri apat aimaǵynda jumys istep jatyr.
