Prezident Qasym-Jomart Toqaev Qazaqstandaǵy gazdandyrý deńgeiin qazirgi shamamen 65 paiyzdan 80 paiyzǵa deiin jetkizýdi tapsyrdy, dep habarlaidy dalanews.kz.
Memleket basshysy Parlament palatalarynyń birlesken otyrysynda sóilegen sózinde energetika salasyn damytý memlekettiń negizgi basymdyqtarynyń biri bolyp qala beretinin aitty.
«Qazirgi tańda eldi gazdandyrý deńgeii shamamen 65 paiyzdy quraidy. Biz bul kórsetkishti 80 paiyzǵa deiin jetkizý mindetin qoiyp otyrmyz. Dástúrli energetikamen qatar Úkimettiń nazary jasyl energetikany damytýǵa da aýdaryldy. Qazir onyń elimizdiń energetikalyq teńgerimindegi úlesi 7 paiyzǵa jetti. Ósip kele jatqan ekonomikany senimdi energiiamen qamtamasyz etý úshin 2029 jylǵa deiin 13 gigavattan astam jańa qýat kózderin iske qosý josparlanyp otyr. Onyń keminde tórtten biri jańartylatyn energiia kózderi esebinen qamtamasyz etiledi», – dedi Qasym-Jomart Toqaev.
Prezidenttiń aitýynsha, Qazaqstannyń energetikalyq teńgeriminde kómir, munai jáne gaz áli de basym úleske ie.
«Kómirsýtek shikizaty eksporttan túsetin tabystyń ǵana emes, qalalar men aýyldardy jylý jáne energiiamen qamtamasyz etetin qoljetimdi resýrs bolyp qala beredi. Sondyqtan gaz infraqurylymyn damytý memleket úshin basym baǵyttardyń biri
