Batys Qazaqstan oblysyndaǵy eń kóne vokzal ǵimaraty súrilip, jańadan salyndy. Tasqala aýdanyndaǵy Semiglavyi Mar stantsiiasynyń 110 jyldyq tarihy bar. Jańadan salynǵan nysan saltanatty túrde paidalanýǵa berildi. Oǵan aimaq basshysy Nariman Tóreǵaliev, BQO máslihat depýtatary, «Qazaqstan temir joly» UK» AQ Aqtóbe magistraldy jeli bólimshesi direktorynyń birinshi orynbasary Jailaýbai Serǵali, oblystyq ardagerler keńesiniń tóraǵasy Maqsot Bergen qatysty, dep habarlaidy dalanews.kz.
Oblys ákimi Nariman Tóreǵaliev Memleket basshysy Qasym-Jomart Toqaevtyń temirjol infraqurylymdaryn damytý jónindegi tapsyrmasyna sáikes qolǵa alynǵan jobanyń mańyzyna toqtaldy.
- Prezident tapsyrmasyna sáikes biz negizgi kólik nysandaryn jańartý boiynsha keshendi jumysty aiaqtai keldik. Bul jolaýshylardyń jaǵdaiyn jaqsartyp qana qoimai, oblys ekonomikasy men logistikasynyń damýyna da septigin tigizedi», dedi Nariman Tóreǵaliev.
Semiglavyi Mar beketi arqyly kúnine 2 poiyz qatynaidy. Stantsiia salynǵaly jibi túzý jóndeý kórgen joq. Mańyzdy nysannyń jańǵyrtylýy jolaýshylar úshin jaily jaǵdai jasap qana qoimai, oblys ekonomikasy men logistikasyn damytýǵa tyń serpin beredi.
Joba aiasynda stantsiia súrilip, jańadan salyndy. Zamanaýi kútý zaldary jasaqtalyp, jańartylǵan navigatsiia jáne aqparattandyrý júieleri ornatyldy. Ǵimarattyń sáýleti qazirgi zamanǵa laiyqtalyp, ainalasy abattandyryldy.
Aita keteiik, byltyr óńirde 419 myń jolaýshy poiyzben qatynaǵan. Temirjol arqyly 5 mln tonna júk tasymaldanǵan.
